PMPML_bus_0.jpg 
पुणे

पीएमपीच्या सव्वाशे बस रोज बंद पडतात 

सकाळवृत्तसेवा

पुणे : देखभाल दुरुस्तीकडे प्राधान्याने लक्ष दिले जात आहे, असा दावा पीएमपी प्रशासनाकडून केला जात असला, तरी गेल्या आठ दिवसांपासून दररोज सुमारे 125 हून अधिक बस बंद पडत आहेत. त्यात कंत्राटदारांच्या बसचे प्रमाण जास्त आहे. मात्र, त्यांच्याकडून पुरेशा उपाययोजना होत नसल्यामुळे प्रवाशांचे हाल वाढले आहेत. 

मंगळवारी एका दिवसात पीएमपीच्या सुमारे 140 बस शहर आणि पिंपरी-चिंचवडमध्ये बंद पडल्या. यामुळे प्रवाशांची मोठ्या प्रमाणात गैरसोय झाली. त्यात पीएमपीच्या 50, तर खासगी ठेकेदारांच्या 90 बसचा समावेश होता. परिणामी, अनेक मार्गांवरील बसचे वेळापत्रक कोलमडले होते. स्वारगेट, मंडई, महापालिका भवन, पुणे स्टेशन, सिंहगड रस्ता, वडगाव शेरी, निगडी, अप्पर इंदिरानगर, कात्रज-धनकवडी आदी भागांतील प्रवाशांची त्यामुळे मोठ्या प्रमाणात गैरसोय झाली. 

याबाबत पीएमपी प्रशासनाकडे विचारणा केली असता, "बस देखभालीची समस्या, रस्त्यावरील खड्डे, जुन्या बस यामुळे प्रमाण वाढले आहे, असे समजते. त्याचबरोबर पीएमपीच्या ताफ्यातील सुमारे 400 बसचे आयुर्मान हे संपले आहे. तरी या बस रस्त्यावर सोडल्या जात आहेत. त्यामुळे वायू प्रदूषणाबरोबर ध्वनिप्रदूषणही होत आहे. बंद पडणाऱ्या गाड्यांमध्ये या बसचे प्रमाण जास्त आहे. पीएमपी, दर दहा दिवसांनी बसची तपासणी करत असते. मात्र, प्रवाशांची गरज लक्षात घेत खराब असूनही चालू शकेल, अशा बस देखील रस्त्यावर उतराव्या लागतात.' 

बंद पडणाऱ्या बसमध्ये ठेकेदारांच्या बसचे प्रमाण अधिक आहे. मात्र, त्यांना दंड केला जात नाही. दोषीवर कडक कारवाई केली पाहिजे. तसेच दुरुस्ती आणि देखभाल दिला जाणारा निधी पूर्ण वापरला जात नाही. 
- जुगल राठी, अध्यक्ष, पीएमपी प्रवासी मंच 

पीएमपीकडे असणाऱ्या बसमध्ये जुन्या बसचे प्रमाण मोठे आहे. पण, प्रवाशांच्या गरजेसाठी त्या बसही रस्त्यावर उतराव्या लागतात. कंत्राटदारांच्या भाडेतत्त्वावरील बंद पडणाऱ्या बसचे प्रमाण जास्त आहे. त्यासाठी त्यांना सातत्याने आदेश दिले जात आहेत. 
- सुभाष गायकवाड, जनसंपर्क अधिकारी, पीएमपी 

- शहरात पीएमपीचे 13 वर्कशॉप 
- मेकॅनिकची संख्या 1309 
- पीएमपीच्या गाड्यांची संख्या 1442 
- पीएमपीच्या 400 बसचे आयुर्मान 12 वर्षापेक्षा अधिक 
- या महिन्यात आतापर्यंत बंद पडलेल्या बसची संख्या 1500 पेक्षा अधिक 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

MG Road वरील खाऊ गल्लीत FDA ची धडक कारवाई; परवाना नसलेल्या पाच खाद्यविक्रेत्यांना व्यवसाय बंद करण्याचे आदेश

Yuzvendra Chahal 400 T20 Wickets: युझवेंद्र चहलने इतिहास रचला... ट्वेंटी-२०मध्ये असा पराक्रम करणारा पहिला भारतीय गोलंदाज

Youngest Demat Account Holder : वय अवघे ६ दिवस अन् थेट शेअर बाजारात एन्ट्री! १२ दिवसांचा जुना रेकॉर्ड मोडत दिल्लीच्या चिमुकल्याने रचला नवा विश्वविक्रम

Sudhir Mungantiwar : "आपलं सरकार इंग्रजांपेक्षाही वाईट..."; सुधीर मुनगंटीवार आक्रमक, मुख्यमंत्र्यांसमोरच मांडली भूमिका, नेमकं काय घडलं?

Latest Marathi News Live Update : सोनं-चांदी दरात पुन्हा घसरण; सोनं 2 हजार 800 रुपयांनी तर चांदी चार हजार रुपयांनी घसरली

SCROLL FOR NEXT