पुणे - खडकवासला धरणसाखळीत मागील तीन ते चार दिवसांपासून मुसळधार पाऊस सुरू झाला आहे. त्यामुळे खडकवासला धरणसाखळीतील खडकवासला, टेमघर, पाणशेत आणि वरसगाव धरणातील पाण्यासाठ्यात मोठ्या प्रमाणात वाढ झाली आहे. त्यामुळे धरणांमधून पाण्याचा विसर्ग सुरू करण्यात आला असून पुण्यातील डेक्कन येथील डेक्कन येथील बाबा भिडे पुल वाहतुकीसाठी बंद करण्यात आला आहे. (Baba Bhide bridge news in Marathi)

धरणातून विसर्ग सुरू केल्यानंतर मुठा नदीवर असलेला बाबा भिडे पुल पाण्याखाली गेला आहे. सध्या खडकवासला धरणातून २६ हजार क्युसेक पाणी मुठा नदीत सोडले जात आहे. त्यामुळे मुठा नदी पात्र दुथडी भरून वाहत आहे. दरम्यान १० ते १२ चारचाकी नदीपात्रात अडकल्या असून पोलीस आणि अग्निशमन दलाला पाचारण करण्यात आल आहे.

दरम्यान बाबा भिडे पुल बरोबरच नदी पात्रातील रस्ता हा वाहतुकीसाठी बंद आहे. त्यामुळे डेक्कन परिसरात वाहतूक कोंडी वाढली आहे. सायंकाळच्या वेळी नागरिक कामाच्या ठिकाणाहून घरी जातात. त्यामुळे अनेक ठिकाणी वाहतूक कोडी निर्माण झाली आहे.