वाल्हेकरवाडी (पुणे): शहरात बेसुमार अवैधरित्या वृक्षतोड चालूच आहे
वारंवार मागणी करून देखील अवैध वृक्षतोड करणाऱ्यांवर कुठे हि कडक कारवाई केली गेली नाही अथवा वृक्ष कायदा यामध्ये तरतूद असून, देखील आजपर्यंत एक हि गुन्हा नोंद झाला नाही किंवा जाणीवपूर्वक केला गेला नाही. 

या सर्व गोष्टींचा निषेध करण्यासाठी "अंघोळीची गोळी" संस्थेने काल पिंपरी चिंचवड महानगरपालिकेच्या ३६ व्या वर्धापनदिनानिम्मित पर्यावरण आणि सामाजिक क्षेत्रात उल्लेखनीय काम केल्याबद्दल काल शहरातल्या विविध सामाजिक संस्थांना सन्मान म्हणून प्रशस्तिपत्रक देऊन गौरविले. ते  महापालिकेला निषेध म्हणून परत करणार असल्याचे "अंघोळीच्या गोळीचे" पिंपरी- चिंचवड अध्यक्ष सचिन काळभोर यांनी सांगितले. जर झाडांचे रक्षणच नाही करू शकलो तर अंघोळीची गोळी ला मिळालेले प्रशस्तिपत्रक काय कामाचे? असा सवालही त्यांनी उपस्थित केला आहे. 

शहरातील अन्य ज्या संस्थांना यात सामील व्ह्याचे आहे त्यांनी आपलीही भूमिका स्पष्ट करावी यात सामील होण्याचे आवाहन त्यांनी केले आहे.