जुन्नर : जुन्नर जवळील ईदगाह येथे सुमारे चारशे वर्षांच्या परंपरेनुसार ईद निमित्ताने होणारे सामूहिक नमाज पठण आज रविवार ता.१० रोजी सकाळी ईदगाह कमिटीचे सदस्य व काही मोजक्या मुस्लिम बांधवांच्या उपस्थितीत करण्यात आले.

मुस्लिम बांधवांनी शनिवार पासून सुरू असलेल्या संततधार पावसामुळे हा निर्णय घेतला. यावेळी मौलाना इम्रान बेग यांच्या उपस्थितीत रऊफ खान,जमीर कागदी,राजू शेख, जावेद कागदी व अन्य मुस्लिम बांधव उपस्थितीत होते.

जुन्नर शहर व परिसरातील मुस्लिम बांधवांनी ईद अल अजाह अर्थात बकरी ईद चा सण परिसरातील मास्जिद मध्ये नमाज पठाण करून उत्साहात साजरा केला. शहरातील पिरजादे वाडा, खलीलपूर, माई मोहल्ला तसेच जामा, कादरी, मणियार, संगतराश, रोशन, दिवाने ए अहेमद आदी मशिदीत मौलाना नाहीद रजा, इम्रान बेग, रिजवान कादरी, हाफिज मोहसीन, सादिकल इस्लाम यांच्या उपस्थितीत नमाज पठाण करण्यात आले.यावेळी सामाजिक शांतता व राष्ट्रीय एकात्मता यासाठी प्रार्थना करण्यात आली.