Pune Sakal
पुणे

शेतकऱ्यांकडे 6775 कोटींची थकबाकी अन् 425 कोटींची वसूली

वीजबिल न भरणाऱ्या ग्राहकांचा वीजपुरवठा तोडण्याचे आदेश बारामती परिमंडळाचे मुख्य अभियंता सुनील पावडे यांनी दिले आहेत.

- मिलिंद संगई

बारामती - महावितरण वाढत्या थकबाकीमुळे कमालीच्या आर्थिक संकटात सापडली आहे. कोरोना काळात ग्राहकांना सहानुभूती दिल्याने आता महावितरणच्या (Mahavitaran) थकबाकीचा आकडा फुगला असून महावितरणपुढे आर्थिक संकट निर्माण झाले आहे.

महावितरणने आता मात्र कृषीपंपासह सर्वच वर्गवारीतील ग्राहकांना (Custemers) शेवटचा इशारा देत वीजबिल भरण्याचे आवाहन केले असून वीजबिल (Light Bill) न भरणाऱ्या ग्राहकांचा वीजपुरवठा तोडण्याचे आदेश बारामती परिमंडळाचे मुख्य अभियंता सुनील पावडे यांनी दिले आहेत. बारामती परिमंडलात पुण्यातील सहा तालुके आणि सोलापूर व सातारा हे दोन जिल्हे येतात. परिमंडलात एकूण 26 लाख 56 हजार वीज ग्राहक आहेत. त्यातील 7 लाख 35 हजार 512 हे कृषीपंपाचे आहेत. सप्टेंबर 2020 अखेर सर्व शेतकऱ्यांकडे मिळून 8142 कोटींची थकबाकी होती.

दरम्यान महाराष्ट्र शासनाने आणलेल्या कृषी धोरणांतर्गत 2221 कोटी निर्लेखित करुन सुधारित थकबाकी 5920 कोटी इतकी निश्चित झाली. कृषी धोरणानुसार शेतकऱ्यांनी सुधारित थकबाकीच्या 50 टक्के रक्कम व सप्टेंबर 2020 पासूनचे चालू बिल भरले तर उर्वरित 50 टक्के थकबाकी माफ होऊन शेतकऱ्यांना (Farmers) जवळपास 66 टक्के माफी मिळते. शिवाय भरणा झालेल्या रकमेतून 33 टक्के गावपातळीवर व 33 टक्के जिल्हापातळीवर विजेच्या पायाभूत कामावरच खर्च होणार आहे. दरम्यान, एकूण शेतकरी ग्राहकांच्या तुलनेत केवळ 10.42 टक्के (76689) शेतकऱ्यांनी या योजनेचा लाभ घेत 125 कोटींची थेट माफी मिळवली. ज्या शेतकऱ्यांनी थकबाकीपोटी अंशत: रक्कम भरली आहे. त्यांना उर्वरित रक्कम तातडीने भरावी लागणार आहे. ज्यांनी आजवर योजनेचा लाभच घेतलेला नाही, त्यांनाही देय रक्कम भरावी लागेल, अन्यथा वीजपुरवठा खंडीत होईल.

घरगुती, वाणिज्यिक व औद्योगिक ग्राहकांकडेही 1338 कोटींची थकबाकी, बारामती परिमंडलात शेतीवगळून असलेल्या ग्राहकांमध्येही थकबाकीचे प्रमाण वाढलेले आहे. अशा विविध वर्गवारीतील 9 लाख 42 हजार783 ग्राहकांकडे 1338 कोटी 62 लाख रुपये थकले आहेत. यामध्ये घरगुतीचे 8 लाख 10 हजार ग्राहक असून त्यांचेकडे 183 कोटी रुपये थकीत आहेत. साचलेली थकबाकी वसूल करण्यासाठी महावितरणने विविध पथके स्थापन केली असून, सुट्टीच्या दिवशीही वसूली मोहीम सुरु राहणार असल्याने वीजबिल भरणा केंद्रेही सुरु ठेवली जाणार आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

लाल समुद्रात दहशत! जीव वाचवण्यासाठी जहाजांच्या रडारवर मुस्लिम असल्याचे मेसेज; धर्म विचारुन केलं जातंय लक्ष्य

Amazon Prime Day Sale: आला रे आला अमेझॉनचा ‘प्राइम डे सेल’ आला; मध्यरात्रीच सुरू होतोय धडका, मोठी संधी चुकवू नका!

Latest Marathi News Updates: पुणे स्लीपर सेल मॉड्युल प्रकरणी अकरावी अटक

Shambhuraj Desai : मंत्री शंभुराज देसाईंचे थेट माजी मुख्यमंत्री पृथ्वीराज चव्हाणांनाच आव्हान... म्हणाले,

IND vs ENG 3rd Test: जसप्रीत बुमराहच्या ५ विकेट्सने दिले हादरे! कपिल देवसह अनेकांचे विक्रम मोडले; पण इंग्लंडचे शेपूट पुन्हा वळवळले

SCROLL FOR NEXT