बारामती : येत्या काही महिन्यात बारामतीहून पुण्याला जाणे अधिक गतीमान होणार आहे. बारामती ते दिवेघाट हे अंतर अवघ्या सव्वा तासावर येईल अशी अपेक्षा आहे.
हायब्रीड अँन्युईटी कार्यक्रमाअंतर्गत जेजुरी-मोरगाव-बारामती-कळंब-बावडा-नरसिंहपूर या 83 कि.मी. रस्त्याचे रुंदीकरण व नव्याने डांबरीकरण केले जाणार आहे. यातील जेजुरी मोरगाव रस्त्याचे काम पूर्ण झाले असून आता मोरगाव बारामती या रस्त्याचे काम प्रगतीपथावर आहे.
पुण्याच्या बातम्या वाचण्यासाठी येथे ► क्लिक करा
दोन्ही बाजूंच्या साईडपट्टया मजबूत करुन सात मीटर रुंदीचा रस्ता आता दहा मीटर रुंदीचा केला जाणार आहे. या मुळे एकाच वेळेस तीन वाहने आरामात एकमेकांजवळून निघून जाऊ शकतील. ओव्हरटेक करतानाही अपघाताचा धोका यामुळे कमी होईल व प्रवासाचा कालावधी कमी होऊन वेग वाढेल.
पुण्याच्या बातम्या वाचण्यासाठी येथे ► क्लिक करा
काम पूर्ण झाल्यानंतर रस्त्याच्या दोन्ही बाजूंना तसेच मधोमध थर्मोप्लास्टने पांढरे पट्टे मारले जाणार आहेत. या मुळे रात्रीच्या वेळेसही वाहन चालविताना चालकांना सोपे पडेल. यामध्ये भूसंपादन करण्याचा विषय नसून फक्त साईडपट्ट्या वाढवून रस्त्याची सात मीटरची रुंदी दहा मीटर होणार असल्याने कामही वेगाने सुरु आहे. काही ठिकाणी पूलांचे रुंदीकरणही करावे लागणार असून पहिल्या टप्प्यात रस्त्याचे काम करुन दुसरीकडे पूलांचे रुंदीकरणही होईल.
पुण्याच्या बातम्या वाचण्यासाठी येथे ► क्लिक करा
जेजुरी व मोरगाव ही दोन राज्याच्या दृष्टीने महत्वाची तीर्थक्षेत्र असल्याने या रस्त्याचे रुंदीकरण महत्वाचे होते. इंदापूर व बारामतीहून पुण्याला जाण्यासाठी हा महत्वाचा रस्ता होईल. या मध्ये दहा वर्षे या रस्त्याच्या देखभाल दुरुस्तीचा खर्च संबंधित कंत्राटदारच करणार असल्याने याचा शासनावर भुर्दंड पडणार नाही.
पुण्याच्या बातम्या वाचण्यासाठी येथे ► क्लिक करा
नवीन रस्त्याच्या कामानंतर बारामती ते मोरगाव हे 34 किमीचे अंतर वीस मिनिटात तर मोरगाव ते जेजुरी हे अंतर दहा मिनिटात पार करणे शक्य होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.