प्रभागात महिलांसाठी सोयीसुविधा करणार

बार्शी ः माझ्या प्रभागातील महिला आणि युवतींसाठी महत्त्वाची विशेष कामे करणार आहे. यात महत्त्वाचे म्हणजे आमच्या प्रभागात कुठेही महिलांसाठी प्रसाधनगृह नाही. ते प्रभागात दोन-तीन ठिकाणी मी उभारणार आहे. त्यामुळे घराबाहेर पडल्यानंतर महिलांची अडचण होणार नाही. प्रभागात अनेक ठिकाणी सिमेंट काँक्रिट गटार आणि रस्ते आहेत. परंतु उर्वरित भागात देखील त्या लवकरात लवकर करण्याचा माझा मानस आहे. तसेच शहरात स्वच्छ आणि नियमित पाणीपुरवठा करणार आहे. माझ्या भागातील लहान मुले आणि महिलांसाठी सुट्टीच्या काळात इतरत्र कुठेही न जाता उद्यानात जावे, यासाठी छोटी-मोठी उद्याने देखील उभारणार आहे. बार्शी शहरातील प्रभागात सर्वात सुंदर प्रभाग करण्याचे माझे ध्येय आहे. प्रभागात कायम स्वच्छता राहावी यासाठी वेळोळी स्वच्छता मोहीम राबविण्यात येईल. त्यामध्ये नागरिकांचाही सहभाग कसा वाढेल यासाठी प्रयत्न करण्यात येईल.
चंद्रकला रोहिदास कांबळे, नगरसेविका, नगरपरिषद बार्शी.