BAR26B13088
कामगारांच्या पाल्याच्या शिक्षणासाठी कार्यरत राहणार
बार्शी : बार्शी शहरातील माझा प्रभाग संमिश्र लोकवस्तीचा आहे. यामध्ये कामगार वर्ग आणि व्यापारी वर्ग असा भाग मोठ्या प्रमाणात आहे. कामगार वर्गामध्ये स्त्रियांचा देखील जास्त संख्येने समावेश आहे. प्रभागातील कामगार वर्गाच्या मुलांच्या शिक्षणासाठी काम करणे हे माझे पहिले ध्येय आहे. नगरपालिकेच्या शाळेच्या माध्यमातून अत्याधुनिक स्वरूपात त्यांना शिक्षण दिले गेले पाहिजे, असा माझा मानस आहे आणि त्यादृष्टीने मी कामही करणार आहे. याबरोबरच प्रभागातील पाण्याची समस्या सोडवण्यासाठी माझा प्रयत्न आहे. सध्या कामगार वर्गातील स्त्रियांना केवळ पाण्यामुळे सुट्टी घेऊन रोजगार बुडवावा लागतो. पाणी जर व्यवस्थित आणि सुरळीत सुरू झाले तर महिलांना रोजगार बुडवावा लागणार नाही. त्याचसोबत स्वच्छता आणि मूलभूत प्रश्नांवर काम करणे हे माझे प्राधान्य आहे. शिक्षण, स्वच्छता आणि आरोग्य या गोष्टींवर काम करण्याचा माझा मानस आहे.
- प्रा. अनिकेत कारंडे, नगरसेवक, बार्शी नगरपरिषद