वडापुरी - इंदापूर तालुक्यातील वाघाळे पाझर तलाव व वडापुरी येथील पाझर तलावात नीरा डावा कालव्यातून पिण्यासाठी पाणी सोडावे असा जिल्हाधिकाऱ्यांचा लेखी आदेश 24 जानेवारी रोजी पाटबंधारे खात्याला देण्यात आला होता. परंति, जिल्हाधिकार्‍यांच्या आदेशाला पाटबंधारे खात्याने केराची टोपली दाखवली असल्याचे जिल्हा परिषद सदस्य अभिजीत तांबिले यांनी सांगितले.

तांबीले पुढे म्हणाले, वाघाळे तलावात व वडापुरी येथील पाझर तलावात पिण्यासाठी पाणी सोडावे यासाठी चार ते पाच वेळा जिल्हा परिषद सदस्य रोहित पावार यांच्या मार्गदर्शना खाली या परिसरातील ग्रामस्थ व शेतकरी यांचे शिष्टमंडळ जिल्हाधिकाऱ्यांना भेटलो होतो. सतत केलेल्या पाठ पुराव्यामुळे त्यावेळेस जिल्हाधिकाऱ्यांनी वडापुरी आणि वाघाळे तलावात पाणी सोडावे असा आदेश पाटबंधारे खात्याला दिले होते. परंतु, पाटबंधारे खात्याने वाघाळे तलावात पाणी सोडले व वडापुरी येथील तलावात पाणी सोडले नसल्याने आज वडापरी गाव पाण्यापासून वंचित राहिले असल्याने पाण्याची पाण्याची भीषण परिस्थिती निर्माण झाली असल्याचे तांबीले यांनी सांगितले.

माजी उपमुख्यमंत्री अजितदादा पवार यांनी सुद्धा जिल्हाधिकार्‍यांना वाघाळे पाझर तलाव व वडापुरी येथील पाझर तलावात पाणी सोडावे अशी मागणी केली होती. तरीसुद्धा या पाझर तलावात पाणी सोडले सोडले नसल्यामुळे या परिसरातील शेतकरी व ग्रामस्थ संतप्त झाले असल्याचे तांबीले यांनी सांगितले.

सध्या फीडिंग संपले असून आवर्तन चालू झाले आहे. त्यामुळे जमिनी भिजल्यानंतर हे पाणी वरती असलेल्या भागाकडे गेल्यामुळे वडापुरी तलावात पाणी आले नाही. पुढे तांबिले म्हणाले, वडापुरी येथे दुष्काळी परिस्थितीमुळे जर टॅंकर वरती हजारो रुपये खर्च करावे लागत आहे. ते वाचविण्यासाठी या पाझर तलावात पाणी सोडणे गरजेचे असताना पाणी सोडले नसल्यामुळे या पाजर तलाव पाणी सोडण्याची मागणी केली आहे.