पुणे - संचारबंदी सुरू असताना डुक्कर चोरीच्या कारणावरून दोन गटात मोठ्या प्रमाणत मारहाण झाल्याची घटना खराडी येथे घडली. याप्रकरणी चंदन नगर पोलिसांनी आठ जणांना अटक केली.

बातम्या ऐकण्यासाठी डाऊनलोड करा ई-सकाळचे ऍप

अजयसिंग लक्ष्मणसिंग भोंड (वय १९),शक्तीसिंग सूरजसिंग बावरी (वय २७), संग्रामसिंग घारूसिंग बावरी (वय २०,तिघे रा.अशोकनगर, येरवडा),अमन संजय कंडेरा (वय २०), अमित संजय  कंडेरा (वय २५), मनोज कन्हैय्या ढिंढोरे (वय ४१), महावीर चंद्रभान ढिल्लोड (वय ४७), कृष्णा महावीर ढिल्लोड (वय २१,सर्व रा.रामवाडी, नगर रस्ता) अशी अटक केलेल्या संशयित आरोपींची नावे आहेत.तर याप्रकरणी पोलिसांनी एका अल्पवयीन मुलाला ताब्यात घेतले आहे.

पुण्याच्या इतर बातम्या वाचण्यासाठी येथे ► क्लिक करा 

पोलिसांनी दिलेल्या माहितीनुसार, आरोपींचा डुक्कर पालनाचा व्यवसाय आहे. बुधवारी सायंकाळी वराहचोरीच्या वादातून सर्वजण खराडीतील पेट्रोल पंपाजवळ जमले. शहरात संचारबंदी असतानाही त्याचे उल्लंघन करत वाहनांचा वापर करीत एकत्र आले. त्यांनी येताना आणलेल्या दगडांचा वापर करून भर रस्त्यात एकमेकांना मारहाण करण्यास सुरुवात केली. पोलसांना या घटनेची माहिती मिळताच पोलिसांनी सर्वांना ताब्यात घेत अटक केली. संचारबंदीच्या आदेशाचा भंग तसेच महाराष्ट्र पोलीस कायद्यान्वये त्यांच्यावर कारवाई करण्यात आली.