बेल्हे, ता. ४ : बेल्हे (ता. जुन्नर) येथील विविध कार्यकारी सेवा सहकारी सोसायटीला राष्ट्रीय सहकारी विकास निगम नवी दिल्ली प्रादेशिक क्षेत्रीय कार्यालय, पुणे यांचे वतीने सहकारी उत्कृष्टता व गुणवत्ता पुरस्कार २०२५ने सन्मानित करण्यात आले. दरम्यान, पुरस्काराचे स्वरूप आर्थिक रक्कम, सन्मानपत्र व सन्मानचिन्ह असे आहे.
येथील विविध कार्यकारी सेवा सहकारी सोसायटीला राज्यस्तरीय केंद्रीय सहकार मंत्रालयाच्या उपक्रमाचा स्वीकार करणाऱ्या प्राथमिक सहकारी संस्था या श्रेणीत या पुरस्काराने गौरविण्यात आले आहे.
या कार्यक्रमप्रसंगी कृषीमंत्री दत्तात्रेय भरणे, राष्ट्रीय सहकारी विकास निगमचे मुख्य संचालक गिरिराज अग्निहोत्री, पुणे जिल्हा मध्यवर्ती सहकारी बँकेचे संचालक संजय काळे, बॅंकेचे मुख्य कार्यकारी अधिकारी देसाई, गिरीश जाधव, एनसीडीसीचे कडलाक, पारुल सिंग, सोसायटीचे अध्यक्ष अशोक गुंजाळ, उपाध्यक्ष कैलास औटी, लहूशेठ गुंजाळ, संजय बोरचटे, विश्वनाथ डावखर, सुमीत बोरचटे, संस्थेचे सर्व संचालक, सचिव व कर्मचारी उपस्थित होते.

02713