उंडवडी, ता. १९ : उंडवडी कडेपठार (ता. बारामती) येथील श्री भैरवनाथ जनसेवा विद्यालयाच्या पाचवी व आठवीतील विद्यार्थ्यांचा शिष्यवृत्ती परीक्षेचा निकाल उत्कृष्ट लागला. आठवीच्या शिष्यवृत्ती परीक्षेत सायली जराड हिने विद्यालयात प्रथम क्रमांक पटकावला. प्रज्ञा साबळे, दीक्षा जगताप, प्रांजल जगताप यांनीही यश संपादन केले. तर, पाचवीच्या शिष्यवृत्ती परीक्षेत तनिष्का भापकर, सार्थक सावंत, राजरतन जगताप, श्रुती बनकर यांनी यश प्राप्त केले. मुख्याध्यापक वल्लभ चौधरी, भैरवनाथ शिक्षण मंडळाचे अध्यक्ष अशोक साळुंके, सचिव सतीश जराड तसेच सर्व संचालक मंडळाच्या वतीने यशस्वी विद्यार्थी, मार्गदर्शक शिक्षकांचे अभिनंदन केले. विद्यार्थ्यांच्या उज्ज्वल भविष्यासाठी शुभेच्छाही दिल्या.