भोर (जि. पुणे) : भोर येथील भाटघर धरणात बुडून एका तरुणाचा मृत्यू झाल्याची धक्कादायक माहिती समोर आली आहे. शनिवारी (ता.२) दुपारच्या सुमारास ही दुर्घटना घडली असून बचाव पथकाकडून त्याचा मृतदेह पाण्यातून बाहेर काढण्यात येत आहे. घटनास्थळी अनेक स्थानिक लोकांची गर्दी झाली आहे.

मिळालेल्या प्राथमिक माहितीनुसार, बुडालेला तरुण हा पुण्यातील हडपसर भागातील असून तो इतर चौघां समवेत भोर परिसरात फिरण्यासाठी आला होता. तर पाण्यात पोहण्यासाठी उतरल्यामुळे त्याचा मृत्यू झाल्याची शंका व्यक्त केली जात आहे.