पुणे :  भोर तालुका पुन्हा एकदा कोरोनामुक्त झाला असून, तालुक्यातील १२ पॉझिटीव्ह असलेल्या सर्व रुग्णांच्या तपासण्या निगेटीव्ह आल्या आहेत. तर, मुंबईवरून दौंड शहरात आलेल्या एका आजीला कोरोना विषाणूची बाधा झाल्याच्या दोन दिवसानंतर तिच्या नातवाला देखील कोरोनाची बाधा झाली आहे. 

जुन्नरमधील वादळचा फटाक बसलेले सावरतायेत संसार

दौंड : मुंबई वरून दौंड शहरात आलेल्या एका आजीला कोरोना विषाणूची बाधा झाल्याच्या दोन दिवसानंतर तिच्या नातवाला देखील कोरोनाची बाधा झाली आहे. 

दौंड- सिध्दटेक रस्त्यावरील श्री सिंधी धर्मशाळेसमोरील रेल्वे कामगार मैदानाच्या रस्त्यालगत एका इमारतीमध्ये मुंबई येथील एक कुटुंब नातेवाईकांकडे आले आहेत. त्यापैकी ४ जून रोजी ७६ वर्षीय महिलेस कोरोनाची बाधा झाली. त्यांच्या संपर्कातील नऊ जणांच्या घशातील द्रवाचे नमुने तपासणीसाठी (स्वॅब टेस्ट) पाठविले असता त्याचा अहवाल आज (ता. ६) आला आहे. नऊ जणांपैकी आजीचा नातू असलेल्या ४२ वर्षीय तरूणास कोरोनाची बाधा झाली असून उर्वरित आठ जणांचा अहवाल निगेटिव्ह आला आहे. 

इंदापुरातील वाळू माफियांना दणका

दरम्यान, १ जून रोजी ४५ वर्षीय कोरोनाबाधित तरूणाच्या अंत्ययात्रेसाठी गेलेल्या १५० पेक्षा अधिक लोकांपैकी उप जिल्हा रूग्णालयाच्या वतीने ३ जून रोजी ४८ जणांचे घशातील द्रव तपासणीसाठी पाठविण्यात आले होते. त्या सर्व ४८ जणांचा अहवाल निगेटिव्ह आला आहे, अशी माहिती उप जिल्हारूग्णालयाचे वैद्यकीय अधीक्षक डॅा. संग्राम डांगे यांनी दिली. दौंड तालुक्यात २९ एप्रिल ते ६ जून या कालावधीत एकूण ५५ जणांना कोरोना विषाणूची बाधा झाली असून त्यापैकी चार जणांचा मृत्यू झाला आहे. तर ४७ जण बरे झाले आहेत. 

पुण्याच्या इतर बातम्या वाचण्यासाठी येथे क्लिक करा

दौंड शहरातील दौंड - सिध्दटेक रस्त्यालगत असलेल्या गवळीवाडा, गोवा गल्ली शेजारील भाग, पंडीत नेहरू चौक, तुकाई नगर, सिंधी गल्ली व रेल्वे कामगार मैदान रस्ता या परिसरात १६ मे ते ६ जून दरम्यान ११ जणांना कोरोनाची बाधा झाली आहे. त्यापैकी गोवा गल्ली शेजारील भागातील ७० वर्षीय नागरिक, पंडीत नेहरू चौकातील ९० वर्षीय महिला, तुकाईनगर येथील ६१ वर्षीय महिला व सिंधी गल्ली येथील ४५ वर्षीय तरूण, असे एकूण चार जणांचा कोरोनामुळे मृत्यू झाला आहे. 

भोर : भोर तालुका पुन्हा एकदा कोरोनामुक्त झाला असून, तालुक्यातील १२ पॉझिटीव्ह असलेल्या सर्व रुग्णांच्या तपासण्या निगेटीव्ह आल्या आहेत, अशी माहिती तालुका वैद्यकीय अधिकारी डॉ. सूर्यकांच क-हाळे यांनी दिली.

पुण्याच्या इतर बातम्या वाचण्यासाठी येथे क्लिक करा

भोर तालुक्यात २६ मे रोजी पॉझिटिव्ह असलेले रायरीतील ६, मानकरवाडीतील ३, धारांबेवाडीतील २ आणि वरोडी खुर्दमधील १ या रुग्णांच्या सर्व चाचण्या निगेटीव्ह आल्या. या सर्वांना शनिवारी (ता.६) सायंकाळी घरी सोडण्यात आले. त्यामुळे तालुक्यात संख्या एकही रुग्ण कोरोनाग्रस्त नाही. याशिवाय शनिवारी तालुक्यातील आणखी ११ जणांचे अहवाल चाचणीसाठी पुण्याला पाठविण्यात आले आहेत. यामध्ये मांढर (ता. पुरंदर) येथील कोरोनाग्रस्ताच्या अंत्यविधीसाठी गेलेले जांभळीतील ५, तांभाड, भोंगवली व कामथडी येथील प्रत्येक १ जणाचा समावेश आहे.  मुंबईहून वडगाव डाळ व साळवडे येथील प्रत्येकी १ अशा एकूण ११ जणांचे रिपोर्ट कोरोनाच्या चाचणीसाठी पाठविले आहेत. त्यांचा रिपोर्ट सोमवारी (ता.८) येण्याची अपेक्षा आहे. परंतु, तोपर्यंत तरी तालुका कोरोनामुक्त झाला आहे.