पुणे - पुणे रेल्वे स्थानकावरून सुरू झालेल्या रात्र बससेवेला प्रवाशांचा वाढता प्रतिसाद मिळत आहे. त्यामुळे मार्गांचा विस्तार करण्याचा निर्णय पीएमपीने घेतला आहे. प्रतिबस सुमारे ५०-६० टक्क्यांहून अधिक प्रवासी पीएमपीला मिळू लागले आहेत.
शहराच्या विविध भागांत जाणाऱ्या रेल्वे प्रवाशांची सोय व्हावी, यासाठी पुणे रेल्वे स्थानकाच्या आवारातून पीएमपीने नुकतीच बससेवा सुरू केली. प्रतिबसला सुमारे ५०-६० टक्क्यांहून अधिक प्रवासी मिळत आहेत. त्यामुळे प्रत्येक बसचे एका फेरीचे उत्पन्न ५ ते ६ हजार रुपयांवर पोचले आहे. रात्री बारा ते पहाटे सहा दरम्यान ही बससेवा सुरू केली आहे. शहर वाहतूक पोलिसांनीही पीएमपीच्या या निर्णयाचे स्वागत केले. ही बससेवा या पुढील काळातही वाढत्या संख्येने सुरू ठेवण्यात यावी, अशी अपेक्षा शहर पोलिसांनी ट्विटद्वारे नुकतीच व्यक्त केली.
पुणे रेल्वे स्थानकाच्या आवारातून सुरू झालेल्या रात्र बससेवेला दिवसेंदिवस चांगला प्रतिसाद मिळू लागला आहे. नव्या बस, चालक-वाहक पुरेशा संख्येने उपलब्ध झाल्यास शहर, परिसरातील विविध मार्गांवर बस सोडल्या जातील.
- अनंत वाघमारे, वाहतूक व्यवस्थापक, पीएमपी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.