मंचर, ता. ६ : उपमुख्यमंत्री सुनेत्रा पवार यांच्याबाबत काँग्रेसचे प्रदेशाध्यक्ष हर्षवर्धन सपकाळ यांनी केलेल्या आक्षेपार्ह व अवमानकारक वक्तव्याचा आंबेगाव तालुका भाजपच्या वतीने निषेध करण्यात आला. तसेच, सपकाळ यांनी तातडीने माफी मागावी, अन्यथा आंदोलन करण्यात येईल, असा इशारा देण्यात आला.
मंचर येथे बुधवारी (ता. ५) रात्री झालेल्या पत्रकार परिषदेत भाजपचे जिल्हा सरचिटणीस डॉ. ताराचंद कराळे बोलत होते. यावेळी जिल्हा उपाध्यक्ष अरविंद वळसे पाटील, भाजप उद्योग आघाडीचे अध्यक्ष प्रमोद बाणखेले, जिल्हा सचिव संदीप बाणखेले, मंचर मंडल प्रमुख हेमंत चिखले, अशोकराव गभाले व किरण पोखरकर उपस्थित होते.