पुणे- राज्याता कोरोना महामारीचा संसर्ग सुरुच आहे. कोरोनाची दुसरी लाट ओसरल्याचे चित्र असले तरी धोका कायम आहे. आज पासून महाराष्ट्रात पावसाळी अधिवेशनाला सुरुवात होणार आहे. त्यातच एक मोठी बातमी हाती आली आहे. भाजप आमदार भीमराव तापकीर यांना कोरोनाची लागण झाली आहे. विशेष म्हणजे तापकीर यांनी कोरोना प्रतिबंधक लशीचे दोन्ही डोस घेतले होते. त्यामुळे आश्चर्य व्यक्त केले जात आहे. (bjp khadkwasla mla bhimrao tapkir corona postive)

भीमराव तापकीर यांनी कोरोना चाचणी केली होती. त्यात त्यांचा रिपोर्ट कोरोना पॉझिटिव्ह आला आहे. तापकीर हे पुण्यातील खडकवासलाचे आमदार आहेत. आज पावसाळी अधिवेशनासाठी ते उपस्थिती लावणार होते. पण, कोरोना रिपॉर्ट पॉझिटिव्ह आल्याने त्यांना विलगीकरणात राहावं लागणार आहे. त्यामुळे ते अधिवेशनात उपस्थित राहणार नाहीत. दरम्यान, कोरोना महामारीच्या काळात अनेक नेत्यांना कोरोनाची लागण झाल्याचे समोर आले होते.