राज्यातील ग्रामपंचायतींचे निकाल येण्यास सुरुवात झाली आहे. पुणे जिल्ह्यातील ग्रामपंचायतीची मतमोजणी सुरु आहे. बारामती तालुक्यातील 31 ग्रामपंचायतींसाठी मतमोजणीस सुरवात झाली आहे. बारामती तालुक्यातील ग्रामपंचायतींवर अजित पवार गटाचे वर्चस्व दिसून येत आहे. आत्तापर्यंत हाती आलेल्या निकालानुसार अजित पवार गटाने जास्त जागांवर आपलं वर्चस्व निर्माण केलं आहे. दरम्यान, बारामती तालुक्यात भाजपने खातं उघडलं आहे.

बारामती तालुक्यात भाजपचा पहिला सरपंच विजयी झाला आहे. बारामती तालुक्यातील चांदगुडेवाडी येथे भाजपचा पहिला संरपंच विजयी झाला आहे. 9 पैकी 4 जागा भाजपला मिळाल्या आहेत. सरपंच पदाच्या निवडणुकीत भाजपचा उमेदवार विजयी झाला आहे. ईश्वरचिठ्ठी काढत भाजपचा उमेदवार विजयी झाला आहे.

बारामतीत आत्तापर्यंत 22 गावांचा निकाल हाती आला आहे. त्यापैकी 21 राष्ट्रवादीकडे आहेत तर एका गावचा सरपंच भाजपचा आहे. गावातील एका जागेसाठी दोन्ही उमेदवारांना समसमान मत पडली होती, त्यामुळे ईश्वरचिठ्ठी काढण्याची प्रक्रियेतून भाजपचा उमेदवार विजयी झाला आहे.

बारामती तालुक्यात सर्वांचे लक्ष अजित पवार यांच्या काटेवाडी या ग्राम पंचायतीकडे लागले होते. या ठिकाणी अजित पवार यांच्यासमोर भाजपचे आव्हान होते. काटेवाडी ग्रामपंचायतीवर गेली अनेक वर्षे राष्ट्रवादी काँग्रेसची एक हाती सत्ता राहिलेली आहे.