शिक्रापूर : आमदार अशोक पवारांसह कुटुंबीयांना जीवे मारण्याची धमकी देणाराला तात्काळ अटक करा म्हणत महाआघाडीच्या घटक पक्षांनी मिळून सणसवाडी (ता.शिरूर) येथे काळ्याफितीसह रास्तारोको केला. अगदी प्रातिनिधीक स्वरुपात रास्तारोको केला असला तरी तब्बल दिड तास महामार्गावर तिनही पक्षांच्या पदाधिकारी-कार्यकर्त्यांनी जोरदार घोषणाबाजी करुन आमदार पवार यांच्या पाठीशी संपूर्णपणे उभे राहत असल्याचे यावेळी जाहिर केले.

शिरुर नगरपालिकेच्या काही प्रश्नांच्या अनुषंगाने एका निनावी पत्राद्वारे आमदार अशोक पवार व त्यांच्या कुटुंबीयांबद्दल कठोर भाषा वापरीत जीवे मारण्याची धमकी देण्याचा प्रकार काल उघडकीस आला. यालाच अनुसरुन आज सकाळी साडेनऊ वाजता सणसवाडी (ता.शिरूर) येथील चौकात जिल्हा नियोजन समितीचे सदस्य पंडित दरेकर, शिवसेना जिल्हा उपप्रमुख अनिल काशीद, काँग्रेसचे जिल्हा उपाध्यक्ष महेश ढमढेरे, तालुकाध्यक्ष वैभव यादव, जिल्हा परिषद सदस्या कुसुम मांढरे, सभापती मोनिका हरगुडे आदींच्या नेतृत्वाखाली निषेध सभा आयोजित करण्यात आली होती.

यात सर्व नेत्यांनी अशोक पवार यांच्या संपूर्णपणे पाठीशी उभे राहत असल्याचे जाहीर करीत आरोपीला तात्काळ अटक करण्याची मागणी केली. दरम्यान अत्यंत कठोर भाषेत आरोपीवर टिका करताना कार्यकर्त्यांनी अखेर रास्तारोको करण्याचा निर्णय घेतला व काही काळ रास्तारोको करीत संपूर्ण पुणे-नगर महामार्गावरील वाहतूक थांबवून धरली. शिक्रापूर पोलिस स्टेशनचे पोलिस निरीक्षक हेमंत शेडगे यांचेकडे बाजार समिती सदस्य दत्ता हरगुडे, सरपंच सुनंदा दरेकर, उपसरपंच विजयराज दरेकर, साहेबराव भंडारे अदेंचे हस्ते देण्यात आले. यावेळी पिंपळ्याचे माजी सरपंच निलेश जगताप, संजय भंडारे, राजेंद्र दरेकर, ग्रामपंचायत सदस्या स्नेहल भुजबळ, ललिता दरेकर, शशिकला सातपुते, माजी उपसरपंच नवनाथ हरगुडे, शिवाजी दरेकर, बबुशा दरेकर, सुहास दरेकर, नवनाथ दरेकर, शिवसेनेचे अमोल हरगुडे, सुभाष दरेकर, श्याम दरेकर, निलेश दरेकर, अनिल गोटे आदींनी आपल्या भावना व्यक्त केल्या.