मंचर, ता. १६ : ‘‘श्री क्षेत्र अयोध्या येथील प्रभू श्रीराम मंदिराच्या तृतीय वर्धापन दिनानिमित्त मंचर येथे रविवारी (ता. १८) मंचर नगरपंचायतीच्या प्रांगणात महारक्तदान शिबिर व सन्मानसोहळा आयोजित केला आहे,’’ अशी माहिती मैत्री हेल्थ केअर सेवाभावी संस्थेचे संस्थापक अध्यक्ष बाळासाहेब पोखरकर यांनी दिली.
राणा प्रताप प्रतिष्ठान मंचर, मैत्री हेल्थ केअर सेवाभावी संस्था व श्री अवधूत चॅरिटेबल ट्रस्ट यांच्या वतीने रक्तदान शिबिराचे आयोजन करण्यात आले आहे. सहभागी प्रत्येक रक्तदात्यास आकर्षक जर्किंग (हुडी) तर भाग्यवान रक्तदात्यास विशेष भेटवस्तू दिली जाणार आहे. वर्षभरात गरज भासल्यास दोन रक्तपिशव्या मोफत उपलब्ध करून देण्यात येणार आहेत. प्रत्येक रक्तदात्यास आपला रक्तगट मोबाईल संदेशाद्वारे कळविण्यात येईल. ‘कार्यक्रमाची जय्यत तयारी झाली आहे,’ असे संयोजक प्रिया पोखरकर यांनी सांगितले आहे.