मंचर, ता. १७ : ‘‘जनसेवक रमेशभाऊ येवले यांच्या वाढदिवसानिमित्त आंबेगाव तालुक्यात मंचर, पारगावतर्फे अवसरी बुद्रुक येथे आयोजित केलेल्या रक्तदान शिबिरात एकूण ५४९ जणांनी रक्तदान केले. रक्तदात्यांना पाच लाख रुपयांचा अपघाती विमा पॉलिसी व जर्किंग भेट देण्यात आले. वर्षभरात रक्तदात्याला किंवा त्याच्या नातेवाईकाला मोफत रक्त पिशवी दिली जाईल,’’ अशी माहिती जनसेवक रमेशभाऊ येवले मित्र परिवाराचे नित्यानंद येवले व अमोल शेवाळे यांनी दिली.
लांडेवाडी संपर्क कार्यालयात बाळासाहेब घुले, योगेश पोटे यांनी मोफत स्मार्ट रेशन कार्ड शिबीरप्रसंगी तीनशेहून अधिक नागरिकांना स्मार्ट रेशन कार्ड काढून देण्याची व्यवस्था केली. मोफत नेत्ररोग तपासणी शिबिर व मोतीबिंदू शस्त्रक्रिया शिबीरात १८३ नागरिकांची तपासणी केली. १५० जणांना मोफत चष्मा वाटप केले. किशोर दातीर, मंगेश दैने, भूषण घुले, तानाजी लबडे यांनी व्यवस्था पाहिली.
सतत सामाजिक क्षेत्रात योगदान असलेले दत्तात्रय गवते, प्रशांत पोंडे व स्वप्नील दातखिळे यांचा सन्मान, तसेच रक्तदान शिबिरात सहभागी झालेल्यांना प्रमाणपत्र वाटप रमेश येवले यांच्या हस्ते करण्यात आला.

लांडेवाडी (ता. आंबेगाव) येथील जनसेवक रमेशभाऊ येवले जनसंपर्क कार्यालयात दररोज सकाळी दहा ते संध्याकाळी पाच यावेळेत विविध शासकीय योजनांची माहिती व त्यांचा लाभ मिळवून देण्यासाठी विनामूल्य ऑनलाइन पद्धतीने अर्ज भरून देण्याची व्यवस्था केली आहे. मोफत आरोग्य तपासणी शिबिरांचे वेळोवेळी आयोजन करण्याचे नियोजन केले आहे. गरजूंनी जनसंपर्क कार्यालयाशी संपर्क करावा.
- रमेश येवले