मांडवगण फराटा, ता. १८ : छत्रपती शंभूराजे प्रतिष्ठान, मांडवगण फराटा व ग्रामस्थांतर्फे रक्तदान शिबिराला उत्स्फूर्त प्रतिसाद मिळाला. माऊली मंदिर येथे झालेल्या शिबिरात ४०७ रक्तदात्यांनी रक्तदान केले.
प्रत्येक रक्तदात्याला प्रमाणपत्र देऊन सन्मानित करण्यात आले. तसेच, उपमुख्यमंत्री दिवंगत अजित पवार यांच्या स्मरणार्थ स्वप्निल गायकवाड यांनी रक्तदात्यांसाठी लकी ड्रॉचे आयोजन केले होते. त्यामध्ये राहुल गरूड, संजय गायकवाड व अर्जुन रंधवे हे विजेते ठरले. त्यांना स्कूटर भेट देण्यात आली. शिबिराच्या यशस्वी आयोजनासाठी विकास फराटे, आकाश सूर्यवंशी, योगेश फराटे, शाहरुख सय्यद आदींनी विशेष प्रयत्न केले. माऊली मंदिर प्रतिष्ठान, दादापाटील फराटे मित्र मंडळ, श्री वाघेश्वर लॉन्स, मनिषा कटके, प्रमोदजी पऱ्हाड यांचे सहकार्य लाभले. प्रतिष्ठानकडून सलग १३ वर्षांपासून शिबिराचे आयोजन करण्यात येत असून, यंदाचे हे १८ वे शिबिर होते. यावेळी प्रतिष्ठानचे अध्यक्ष मनोहर फराटे, विश्वास ढमढेरे, बापूसाहेब शिंदे, शशिकांत दसगुडे आदी उपस्थित होते.