इंदापूर : सावित्रीबाई फुले पुणे विद्यापीठ तसेच पुणे जिल्हा विभागीय क्रीडा समिती अंतर्गत राजगुरूनगर येथील हुतात्मा महाविद्यालयात पार पडलेल्या आंतर महाविद्यालयीन शरीर सौष्ठव स्पर्धेमध्ये (Body Building Competition) इंदापूर येथील निलेश उर्फ सोनु राहुल ढावरे (Sonu Dhavare) याने प्रथम क्रमांक संपादन केला. तो इंदापूर (Indapur) तालुका शिक्षण प्रसारक मंडळ संचलित इंदापूर महाविद्यालयात एस. वाय. बी. कॉम मध्ये शिक्षण घेत असून त्यास पहिल्यापासून शरीर सौष्ठव ठेवण्याची आवड आहे. या यशामुळे श्रीरामपूर येथे दि. २० डिसेंबर रोजी होणाऱ्या विभागीय स्पर्धेसाठी ढावरे याची निवड करण्यात आली आहे. त्याला इंदापूर एबीएस जीम चे ट्रेनर मोहसीन शेख हे प्रशिक्षण देत आहेत.

राज्याचे सामान्य प्रशासन राज्य मंत्री दत्तात्रय भरणे, माजी सहकार मंत्री तथा संस्थेचे अध्यक्ष हर्षवर्धन पाटील, सचिव मुकुंद शहा , राष्ट्रवादी कॉंग्रेसचे पुणे जिल्हाध्यक्ष प्रदीप गारटकर, प्रा. अशोक मखरे, दादासाहेब सोनवणे यांनी त्याचे अभिनंदन करून त्यास पुढील स्पर्धेसाठी शुभेच्छा दिल्या आहेत.