नसरापूर - सारोळा, ता. भोर येथील निरा नदीच्या पुला वरुन 14 जुन रोजी रात्री अचानक बेपत्ता झालेल्या पुणे येथील तरुणाचा मृतदेह आज निरा नदीत मिळाला.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

प्रणव प्रदिप कुलकर्णी (वय 28 रा.धनकवडी पुणे) असे मृत तरुणाचे नाव आहे. शिरवळ पोलिसांनी दिलेल्या माहीती नुसार, प्रणव व त्याचे दोन मित्र निखिल दिवेकर व अंकुश माने हे तिघे एका दुचाकी वरुन 14 जुन रोजी रात्रीच्या सुमारास महामार्गा वरुन महाबळेश्वरला चालले होते. मात्र, निरा नदीच्या जवळील सातारा जिल्हा चेकपोस्टवर त्यांच्याकडे प्रवासाचा पास नसल्याने त्यांना सातारा जिल्ह्यात प्रवेश नाकारण्यात आल्यावर ते परत पुणे बाजुकडे निघाले होते. यावेळी प्रणव व अंकुश असे दोघे चेकपोस्ट पासुन निरा नदीच्या पुलावरुन चालत पुणे बाजुकडे येऊ लागले व निखिल हा दुचाकी घेवुन येऊ लागला.

पुण्यातील 'या' भागात तीन दिवस संचारबंदी

प्रणव व त्याचा मित्र अंकुश चालत असताना प्रणव अचानक गायब झाल्याचे अंकुशच्या लक्षात आले. त्यांने पुन्हा चेकपोस्ट वर येऊन त्याचा शोध घेतला. मात्र, तो मिळाला नाही. यावरुन त्याने प्रणव पुला वरुन पाण्यात पडला असल्याची शंका व्यक्त केली होती. त्यानुसार ता. 15 रोजी दिवसभर राजगड व शिरवळ पोलिस तसेच मुळशी रेस्कु टिम निरा नदीच्या पाण्यात त्याचा शोध घेत होते. मात्र, तो सापडु शकला नाही. आज ता. 16 रोजी पुन्हा महाबळेश्वरच्या सह्यार्दी रेस्कु टिमने शोध मोहीम सुरु केल असता पुला पासुन साधारण एक किलोमिटर अंतरावर निरा नदीच्या पाण्यात प्रणवचा मृतदेह अढळला.

शिरवळ पोलिसांनी या बाबत नोंद घेऊन शवविच्छेदना नंतर मृतदेह नातेवाईकांच्या ताब्यात दिला असुन पुढील तपास शिरवळचे पोलिस निरीक्षक उमेश हजारे यांच्या मार्गदर्शनाखाली शिरवळ पोलिस करत आहेत.