राहू (पुणे) : दौंड तालुक्यातील राहू येथे मंगळवारी (ता. १) मुळा-मुठा नदीपात्रामध्ये मित्रांसमवेत गणपती विसर्जनासाठी गेलेल्या दुर्वेश जालिंदर पंडित (वय १७, रा. राहू) हा तरुण तोल गेल्याने पाण्याच्या प्रवाहाबरोबर वाहत गेला. तब्बल ४८ तासानंतर त्याचा मृतदेह देलवडी (ता. दौंड) येथील मुळा- मुठा नदीच्या पात्रात आज (ता. ३) सायंकाळी साडेसहा वाजण्याच्या सुमारास येथील मासेमारी करणाऱ्या नागरिकांना आढळून आला. 

पुण्याच्या इतर बातम्या वाचण्यासाठी येथे क्लिक करा

दुर्वेश पंडित हा अकरावीच्या वर्गात शिकत होता. मंगळवारी मुळा-मुठा नदीपात्रामध्ये मित्रांसमवेत गणपती विसर्जनासाठी तो गेला होता. मात्र, तोल गेल्याने तो पाण्याच्या प्रवाहाबरोबर वाहत गेला. गेली दोन दिवस नदीच्या पात्रात मुळशी व दौंड महसूल विभागाच्या आपत्ती व्यवस्थापनाने आणि नागरिकांनी होडीच्या साह्याने शोधकार्य सुरु ठेवले होते. मात्र, त्यांना यश आले नाही. आज साडेसहा वाजण्याच्या सुमारास दुर्वेश याचा मृतदेह देलवडी येथे मुळा-मुठा नदीच्या पाण्यात तरंगताना मासेमारी करणाऱ्या नागरिकांना दिसून आला. त्यांनी तत्काळ राहूचे सरपंच दिलीप देशमुख, पोलिस पाटील सुरेश सोनवणे, वाळकी येथील पोलिस पाटील नीलकंठ थोरात यांना खबर दिली. 

पुण्यात चार लाख नागरिकांना ई पास

दरम्यान, शोधमोहिमेसाठी आपत्ती व्यवस्थापन टिमला पोलिस निरीक्षक भाऊसाहेब पाटील, सरपंच दिलीप देशमुख, उपसरपंच गणेश शिंदे, पोलिस पाटील सुरेश सोनवणे, मंडलाधिकारी व्ही. एस. धांडोरे, गाव कामगार तलाठी अर्जुन स्वामी, ग्रामविकास अधिकारी गोरख थोरात यांच्यासह परिसरातील गणेश तरुण मंडळाच्या कार्यकर्त्यांनी व ग्रामस्थांचे शोध मोहीम कार्यासाठी दोन दिवस सहकार्य केले.