पुणे - महाराष्ट्रातील उद्योजकांचे मनोबल वाढावे व नवीन उद्योजकांना स्फूर्ती मिळण्यासाठी ‘अर्थसंकेत’तर्फे ‘लोकप्रिय ब्रॅंड कसा बनवावा’ या पुस्तकाचे नुकतेच प्रकाशन करण्यात आले. हेलिकॉप्टरमधून भरारी घेऊन संजीव पेंढारकर यांच्या हस्ते या पुस्तकाचे प्रकाशन झाले. या सोहळ्याची नोंद ‘लिम्का बुक ऑफ रेकॉर्ड’ आणि ‘इंडिया बुकऑफ रेकॉर्ड’मध्ये करण्याचे ठरविल्याचे या वेळी पेंढारकर यांनी सांगितले.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

भारताच्या अर्थव्यवस्थेमध्ये राज्याचे मोठे योगदान असून कोरोना काळात राज्यातील उद्योग क्षेत्रावर परिणाम झाला होता. दिवाळीनंतर पुन्हा उद्योग क्षेत्राला चालना मिळाली आहे. उद्योग जगताला एक नवी भरारी देण्याच्या उद्देशाने हा प्रकाशन सोहळा अनोख्या पद्धतीने करण्यात आला. या पुस्तकामध्ये ‘महाराष्ट्राचा लोकप्रिय ब्रॅंड’ या कार्यक्रमामध्ये सहभागी झालेल्या ब्रॅंड्‌सची यशोगाथा मांडली असून या माध्यमातून उद्योग जगताला मार्गदर्शन मिळणार आहे.

Edited By - Prashant Patil