पुणे - सीबीएसईने परीक्षेचे नियोजन करताना, कोरोनाचा प्रसार रोखण्याची खबरदारी घेण्यात येत आहे. सीबीएसईने परीक्षेचे वेळापत्रक जाहीर करताना विद्यार्थी आणि पालकांसाठी विशेष सूचना केल्या आहेत. त्यात शैक्षणिक सूचना कमी आणि खबरदारीच्या सूचना अधिक आहेत. त्यानुसार परीक्षेसाठी पेन जसा आवश्यक, तसेच प्रवेशपत्र बरोबर आणणे गरजेचे आहे, तशीच सॅनिटायझरची बाटली बरोबर ठेवणे देखील बंधनकारक केले आहे. 

ताज्या बातम्यांसाठी डाऊनलोड करा ई-सकाळचे ऍप

सीबीएसईची दहावी, बारावीच्या परीक्षा १ ते १५ जुलै दरम्यान होईल. परीक्षा केंद्रावर विद्यार्थ्याना सव्वादहा पूर्वी यायचे आहे. त्यांना सव्वादहा वाजता प्रश्नपत्रिका हाती मिळेल. साडेदहा वाजता पेपर सोडविण्यास सुरवात करावी, असे मंडळाने म्हटले आहे. 

पुण्याच्या बातम्या वाचण्यासाठी येथे ► क्लिक करा

अन्य सूचना, जाणून घेऊयात... 
1. सर्व विद्यार्थ्यांनी पारदर्शक बाटलीतून सॅनिटायझर आणले पाहिजे. 
2. नाक, चेहरा मास्कने किंवा कापडाने झाकला पाहिजे 
3. शारीरिक अंतराचे नियम पाळावे 
4. कोव्हीड19 चा प्रसार रोखण्यासाठी पालकानी पाल्यांना मार्गदर्शन करतील 
5. पाल्य आजारी पडणार नाही, याची काळजी पालक घेतील 
6. परीक्षा केंद्रावर दिल्या गेलेल्या सूचनांचे काटेकोर पालन विद्यार्थी करतील 
7. परीक्षा कार्डवर दिल्या गेलेल्या सूचनांचे पालन विद्यार्थी करतील.