पिंपरी : बारावीत सर्व विषयात नापास झाल्याने नैराश्यात गेलेल्या विद्यार्थ्याने गळफास घेऊन आत्महत्या केली. ही घटना मंगळवारी दुपारी नवी सांगवीत घडली.

ऋषिकेश विलास पांचाळ (वय १७, ता. समर्थ नगर, नवी सांगवी)  असे त्या विद्यार्थ्यांचे नाव आहे. ऋषिकेश हा आर्ट विभागात शिकत होता. मात्र तो सर्वच विषयात नापास झाल्याने घरी कोणी नसताना त्याने गळफास घेऊन आत्महत्या केली. त्याच्या वडीलांचे कृष्णा चौकात टेलरिंगचे दुकान असून आई एका स्कूल बसवर काम करते.