पिंपरी (पुणे) : गळ्यात कात्री भोसकून आणि तोंडावर उशी दाबून मुलाने आईचा खून केला. ही घटना वाल्हे गुरुद्वारा येथे रविवारी दुपारी उघडकीस आली.

सुमन विजय सावंत (वय ६०, रा. गुरुद्वारा रोड वाल्हेकरवाडी, चिंचवड) असे खून झालेल्या आईचे नाव आहे. भुपेन्द्र सावंत असे संशयित आरोपी मुलाचे नाव आहे. पोलिसांनी दिलेल्या माहितीनुसार सकाळपासून सुमन यांचा दरवाजा बंद होता. त्या बाहेर का आल्या नाहीत म्हणून पाहण्यासाठी शेजाऱ्यांनी खिडकीतून डोकावले. त्यावेळी तोंडावर उशी असलेल्या अवस्थेत त्या दिसून आल्या. या प्रकाराबाबत संशय वाटल्याने शेजाऱ्यांनी पोलिसांना कळविले. 

घटनास्थळी दाखल झालेल्या पोलिसांना गळ्यात कात्री खूपसून आणि तोंडावर उशी दाबून खून झाल्याचे दिसून आले. याबाबत अधिक तपास चिंचवड पोलिस करीत आहेत.