पुणे : शालेय शिक्षण विभागाने सरल पोर्टलवर सर्व शाळांमधील विद्यार्थ्यांची माहिती घेण्यास सुरुवात केली आहे. या पोर्टलवर 'जात' रकान्यात यापूर्वी जातींचा उल्लेख असायचा, परंतु गेल्या काही दिवसात या रकान्यात बदल करण्यात आला आहे.
आता यात 'ब्राह्मण किंवा इतर' असे दोनच पर्याय आता दिसत आहेत. पोर्टलवर केलेल्या या बदलामुळे शासनाकडूनच भेदभाव केला जात असल्याचा भ्रम निर्माण होत आहे. त्यामुळे यात त्वरित बदल करावा, अशी मागणी अखिल भारतीय ब्रह्म महाशिखर परिषदेचे उपाध्यक्ष आणि ब्राह्मण सेवा संघाचे संस्थापक अध्यक्ष सु.द.पुराणिक यांनी राज्याच्या शालेय शिक्षणमंत्री वर्षा गायकवाड यांच्याकडे निवेदनाद्वारे केली आहे.
सरल पोर्टलवर विद्यार्थ्यांचे नाव, पत्ता, वय, जात आदी माहिती घेण्यात येते. यावर 'जात' रकान्यात जातींचा उल्लेख असायचा, परंतु गेल्या काही दिवसात या रकान्यात बदल केला आहे. त्यामुळे 'ब्राह्मण किंवा इतर' असे दोनच पर्याय आता दिसत आहेत. अन्य जाती असताना फक्त ब्राह्मण व ब्राह्मणेतर हे का? हे गंभीर आहे. यामुळे ब्राह्मण आणि ब्राह्मणेतर असा भेदभाव शासनाकडूनच केला जातो आहे, असा भ्रम निर्माण होत आहे.
शासन या पोर्टलच्या माध्यमातून विद्यार्थ्यांची माहिती घेत आहेत की ब्राह्मण जातीची माहिती घेत आहे, असा प्रश्न निर्माण होत आहे. विद्यार्थ्यांची अशी विभागणी करून सरकार नक्की काय साध्य करणार आहे? राज्य सरकारने तात्काळ यात लक्ष घालून सरल पोर्टलमध्ये योग्य बदल तातडीने करावे," असे पुराणिक यांनी निवेदनात म्हटले आहे.
- पुण्याच्या बातम्या वाचण्यासाठी येथे ► क्लिक करा
(Edited By: Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.