Pune Airport sakal
पुणे

Cargo Service : कार्गो आयात सेवेला पुणे विमानतळावर मिळेना मुहूर्त

पुणे विमानतळावर सध्या दोन आंतरराष्ट्रीय उड्डाणे होत आहेत. येत्या काही दिवसांत त्यात आणखी दोन उड्डाणांची वाढ होईल.

सकाळ वृत्तसेवा

पुणे - पुणे विमानतळावर सध्या दोन आंतरराष्ट्रीय उड्डाणे होत आहेत. येत्या काही दिवसांत त्यात आणखी दोन उड्डाणांची वाढ होईल. सिंगापूर, दुबईनंतर आता बँकॉकला पुण्याहून थेट विमानसेवा सुरू होत आहे. मात्र गेल्या वर्षभरापासून प्रयत्न करूनही मालाची (कार्गो) आयात सेवा सुरू झालेली नाही. वाहतूकदारांचा व विमान कंपन्यांचा आवश्यक प्रतिसाद मिळत नसल्याने पुण्यात मालाच्या आयात सेवेला सुरुवात झालेली नाही.

पुणे विमानतळावरून देशांतर्गत मालवाहतुकीला चांगला प्रतिसाद लाभत आहे. सिंगापूर व दुबईसाठी पुण्यातून माल पाठविला जात आहे. आयात सेवेला वाहतूकदारांचा काहीच प्रतिसाद नसल्याने वर्षभरापासून अद्याप एकही सेवा सुरू झालेली नाही. सेवा सुरू व्हावी, यासाठी विमानतळ प्रशासनाने सर्व तयारी पूर्ण केली आहे. यात स्ट्राँग रूमपासून ते धोकादायक वस्तूंपर्यंतचा (डीजी) समावेश आहे. आतापर्यंत दोन कंपन्यांनी विचारणा केली; मात्र काही केल्या मालाची आयात सेवा सुरू झालेली नाही.

प्रशासनाने दिलेल्या सुविधा

  • एक हजार डॉलरपेक्षा अधिक मुल्याच्या वस्तू ठेवण्यासाठी स्ट्राँग रूम

  • कार्गो टर्मिनलमध्ये स्ट्राँग रूम तयार

  • कोल्ड स्टोअरेजचीही सुविधा उपलब्ध

  • धोकादायक वस्तूंसाठी स्वतंत्र व्यवस्था

आयात-निर्यातीचा फायदा

  • छोट्या, मोठ्या उद्योजकांच्या व्यवसायाला चालना

  • कमी वेळेत मालाची उपलब्धता

  • पैशांची बचत

  • अन्य शहरांच्या तुलनेत कमी किमतीत उपलब्ध

आंतरराष्ट्रीय विमानसेवेचा प्रवास

१) पुण्यातून आंतरराष्ट्रीय प्रवासी सेवा सुरू होण्याआधी मालवाहतूक सेवा सुरू

२) १४ एप्रिल २००५ रोजी पहिल्या आंतरराष्ट्रीय मालवाहतुकीचे उड्डाण

३) १२ डिसेंबर २००५ रोजी पहिल्या आंतरराष्ट्रीय प्रवासी विमानाचे दुबईकडे उड्डाण

४) १३ डिसेंबर २००५ रोजी सिंगापूरकडे प्रवासी विमानाचे उड्डाण

पुणे विमानतळ प्रशासनाने केवळ प्रवासी विमानातून माल वाहतुकीला प्राधान्य न देता, त्यासाठी मालवाहू विमानांचा वापर करावा. त्यादृष्टिने प्रयत्न आवश्यक आहेत. तसेच उद्योजकांशी चर्चा करून आयात-निर्यात सेवा वाढविण्यासाठी प्रयत्न करणे आवश्यक आहे.

- हवाई वाहतूक तज्ज्ञ धैर्यशील वंडेकर

पुणे विमानतळावर मालाची आयात-निर्यात सेवा सुरू होण्यासाठी आवश्यक सर्व सुविधा दिलेल्या आहेत. मात्र वाहतूकदारांचा अपेक्षित प्रतिसाद नसल्यामुळे आयात सेवा अद्याप सुरू झालेली नाही. या सेवेबाबत केवळ चौकशी होते. प्रत्यक्षात सुरुवात झालेली नाही.

- प्रदीप कुमार, उप सरव्यवस्थापक, कार्गो टर्मिनल

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Pune Grand Tour : पुणे ग्रँड टूरसाठी रस्त्यांची कामे ३१ डिसेंबरपर्यंत पूर्ण करण्याचे उद्दिष्ट; एआय तंत्रज्ञानातून गुणवत्तेवर लक्ष

Beed Teacher Scam: बीडच्या शिक्षक भरती घोटाळ्यात मोठा दणका! ७३ बोगस शिक्षकांची सेवा समाप्त; अधिकाऱ्यांचीही चौकशी होणार

Pune Nashik Highway : भोसरी, चाकण आणि राजगुरूनगरमधील वाहतूक कोंडी सुटण्याची आशा; पुणे-नाशिक महामार्गाच्या उन्नत मार्गाचे काम कार्यादेशानंतर तीन वर्षांत पूर्ण होणार

Marathi News Live Updates : ऊसतोड मजूर महिलांची वेदनादायी अवस्था! चार दिवसांची सुट्टी परवडत नाही म्हणून गर्भाशय काढण्याची वेळ?

Malkapur News: मित्राची दुचाकी घेऊन बाहेर पडला, परतलाच नाही; इंजिनिअरिंगच्या विद्यार्थ्याचा मृत्यू

SCROLL FOR NEXT