आळंदी (पुणे) : अतितातडीची सरकारी मोजणीचे काम सुरू असताना भूकरमापकाला धक्काबुक्की केल्याचा प्रकार उघडकीस आला आहे. जमीन मोजणीचे काम सुरू असताना खेड मोजणी कार्यालयातील भूकरमापक यांना धक्काबुक्की करण्यात आली. या प्रकरणी सरकारी कामात अडथळा निर्माण केल्याअंतर्गत चौघांवर आळंदी पोलीस ठाण्यात गुन्हा दाखल करण्यात आला आहे. तसेच एकाला अटक करण्यात आली आहे.

ही घटना शुक्रवारी (ता.२८) दुपारी बारा वाजता आळंदीजवळ पिंपळगाव तर्फे चाकण येथे घडली. या प्रकरणी भूकरमापक कुणाल पुरुषोत्तम भगत (वय २६) यांनी आळंदी पोलीस ठाण्यात फिर्याद दिली आहे. पोलिसांनी शंकर भगवान टिंगरे, दत्तात्रय भगवान टिंगरे आणि अन्य दोन जणांवर गुन्हा दाखल केला आहे, तर शंकर टिंगरे याला अटक केली आहे.

- जिल्हा परिषद आणि 'पीएमआरडीए'च्या महसूलला बसणार फटका; राज्य सरकारच्या चलाखीचा परिणाम​

आळंदी पोलिसांनी दिलेल्या माहितीनुसार, पिंपळगाव येथे एका  जमिनीची अतितातडीची मोजणी करण्यासाठी खेड येथील भूमी अभिलेख कार्यालयाचे भूकरमापक कुणाल भगत आले होते. त्यावेळी आरोपींनी मोजणीचे काम सुरू असताना फिर्यादी भूकरमापक कुणाल भगत यांना धक्काबुक्की केली. ‘तुम्ही आमच्या जमिनीची कोणाच्या आदेशानुसार मोजणी करण्यासाठी आला आहात, तुम्ही मोजणी करायची नाही’ असे म्हणून आरोपींनी सरकारी कामात अडथळा निर्माण केला. तसेच याठिकाणी बंदोबस्तासाठी आलेले वरिष्ठ पोलिस निरीक्षक रवींद्र चौधर यांनाही अरेरावी केली. याबाबत आळंदी पोलीस ठाण्यात गुन्हा दाखल करण्यात आला असून आळंदी पोलीस पुढील तपास करीत आहेत.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)