चाकण, ता. १ : येथील (ता. खेड) खेड कृषी उत्पन्न बाजार समितीच्या महात्मा फुले बाजाराच्या आवारात रविवारी (ता.१) मध्यप्रदेशातून पन्नास टन हिरव्या वाटाण्याची आवक झाली त्याच्या खरेदीसाठी ग्राहकांनी गर्दी केली होती. गवार, राजमा वालाच्या शेंगा, हिरवी मिरची, वालवर, वांगी, भेंडी यांचे बाजारभाव किरकोळ बाजारात प्रतिकिलाेने वाढले आहेत. शेवग्याच्या शेंगांना तसेच हिरव्या मिरचीला शंभर रुपये प्रतिकिलोला बाजारभाव मिळाला.

बाजारात वाटाण्यास घाऊक बाजारात प्रतिकिलोला २५ ते ३० रुपये बाजारभाव मिळाला. नव्याने काढणी केलेल्या तीस टन बटाट्याची आवक झाली तसेच बटाट्याला मागणी मोठ्या प्रमाणात राहिली. नागपूरहून हिरव्या मिरच्यांची सुमारे तीस टन आवक झाली. हिरव्या मिरचीचे भाव प्रति किलोला चाळीस रुपयांनी वाढले .राजस्थानातून गाजराची सुमारे वीस टन आवक झाली. गुजरातहून तसेच नागपुरातून हिरव्या काळ्या व पिवळ्या मिरचीची मिळून सुमारे तीस टन आवक झाली. मध्यप्रदेशातील इंदोर बटाट्याला तसेच स्थानिक नव्या बटाट्याला प्रतिकिलोला तेरा, चौदा रुपये बाजारभाव मिळाला. कांद्याची सुमारे साडेनऊ हजार क्विंटल आवक झाली. कांद्यास प्रतिकिलोला आठ ते १६ रुपये भाव मिळाला.
बाजार आवारात नाशिक,सातारा, अहिल्यानगर जिल्ह्यातून टोमॅटोची सुमारे तीस टन आवक झाली. टोमॅटोला बाजारभाव २० ते ३० रुपये प्रतिकिलोला घाऊक बाजारात मिळाला.

फळभाज्यांचे प्रति किलोचे भाव (रुपयांत) पुढील प्रमाणे : टोमॅटो : २०-३०, कारली : ३०-३५, दोडका : ४०-५०, भेंडी : ५०-६०, गवार : ८०-१००, कोबी : १५, फ्लॉवर : १५ , वांगी : ३०, हिरवी मिरची : १००, दुधी भोपळा : ३०, शेवगा : १२०, ढोबळी मिरची : ३५, चवळी : ३०, हिरवा वाटाणा : २५-३०, काकडी : ३५, गाजर : २०, आले : ५०.

दोन लाखावर जुड्यांची आवक
कोथिंबीर, मेथी, शेपू, पालकच्या सुमारे दोन लाखावर जुड्यांची आवक झाली .मेथीच्या व कोथिंबीरीच्या एका जुडीला १० ते १२ रुपये भाव मिळाला. शेपू, पालकच्या एका जुडीला १० रुपये बाजारभाव मिळाला.

10254