खडकवासला : चांदणी चौकातील उड्डाणपुलाचे उद्घाटन केंद्रीय दळणवळण मंत्री नितीन गडकरी यांच्या हस्ते १२ ऑगस्ट २०२३ रोजी होणार आहे. मुख्यमंत्री एकनाथ शिंदे उपमुख्यमंत्री देवेंद्र फडणवीस, उपमुख्यमंत्री अजित पवार पालकमंत्री चंद्रकांत पाटील यांच्या उपस्थितीत हा कार्यक्रम होणार आहे.

जिल्हाधिकारी डॉ.राजेश देशमुख यांनी आज मंगळवारी दुपारी साडेतीन वाजता पाहणी केली. त्यानंतर ही माहिती दिली. चांदणी चौकातील उड्डाणपुलाचे काम आता अंतिम टप्प्यात आले आहे. चौकातील या पुलाचे काम 2019 पासून सुरू होते परंतु ते काम अपूर्ण होते.

कोरोणाच्या काळात याचे काम रखडले होते. त्यानंतर, ऑक्टोबर ऑक्टोबर 2022 रोजी या चौकातील पूल पाडण्यात आला त्यानंतर या कामाला गती आली. यावेळी त्यांच्यासोबत राष्ट्रीय महामार्ग प्राधिकरणाचे प्रकल्प संचालक संजय कदम उपस्थित होते