पुणे : "केंद्र सरकारने मला मिशन देऊन पाठविले आहे. ते अद्याप पूर्ण झालेले नाही. त्यामुळे मी पुण्यातून लगेच जाणार नाही.' अशा शब्दात भाजपचे प्रदेशाध्यक्ष चंद्रकांत पाटील यांनी शनिवारी स्पष्टीकरण दिले. "त्यामुळे कोणी हुरळून जाऊ नये, आणि कोणी घाबरूनही जाऊ नये,' असा सल्लाही त्यांनी यावेळी विरोधक आणि पक्षातील हितचिंतकांना दिला. 

माजी पंतप्रधान अटल बिहारी वाजपेयी यांच्या जयंती निमित्त आयोजित कार्यक्रमात चंद्रकांत पाटील यांनी "मी पुन्हा कोल्हापूरला जाणार आहे,' असे वक्तव्य केले होते. त्यावरून शहरात उलट-सुलट चर्चा सुरू झाली. उपमुख्यमंत्री अजित पवार यांनी देखील यावरून पाटील यांच्यावर टीका केली होती. त्यास चोवीस तास होत नाही, तोच पाटील यांनी आज पत्रकार परिषद घेऊन त्यावर सारवासारव करण्याचा प्रयत्न केला. 

 ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा 

पाटील म्हणाले, " काल मी जो बोललो त्यावर उलट-सुलट चर्चा सुरू झाली आहे. त्यावर एवढी टीका होईल असे मला वाटले नव्हते. केंद्र सरकारने मला सहजासहजी पाठविलेले नाही. काही मिशन देऊन मला पाठविले आहे. ते अद्याप पूर्ण झालेले नाही. ते पूर्ण होत नाही, तो पर्यंत मी कुठेही जात नाही आणि इतक्‍या लवकर जाणार नाही. पण आयुष्यात कधी ना कधी कुठेतरी सेटल व्हावे लागते. त्या दृष्टीने मी हे म्हंटलो. त्याला कितीही वर्ष लागू शकतात.'' 

त्यामुळे काही जणांना आनंद झाला. तर काही जणांना वाईट वाटले, असे सांगून पाटील म्हणाले, "मी विद्यार्थी परिषदेत 13 वर्ष घर सोडले. त्यानंतर वैयक्तिक जीवनाचा प्रश्‍न आला तेव्हा. तेव्हा मी मूळ गावी दोन वर्ष राहिलो. बापट यांनी पुणे हे सेटल होण्यासाठी चांगले शहर आहे. असे म्हटले, तेव्हा पुणे हे चांगलेच शहर आहे. परंतु सेटल होण्यासाठी मी गावी जाणार असल्याचे म्हटले.'' केंद्राने कोणते मिशन दिले आहे आणि ते कधी पूर्ण होणार याबाबत विचारले असता पाटील यांनी "ते मी तुम्हाला कशाला सांगू' म्हणत उत्तर देणे टाळले. 
 

पुणे-सोलापूर हाय-वेवर धावत्या ट्रॅव्हल्स घेतला पेट; जिवीतहानी नाही