पुणे - खासगी कंपन्यांकडे चालवायला दिलेल्या जम्बो कोविड हॉस्पिटलचा फज्जा उडाल्याचे स्पष्ट दिसत आहे. ढिसाळ व्यवस्थापनामुळे तेथे जास्त खाटा उपलब्ध झाल्या नाहीत. अशा परिस्थितीत जम्बो हॉस्पिटल राज्य सरकारने ताब्यात घ्यावे, अशी मागणी पुढे आली आहे.

पुण्याच्या बातम्या वाचण्यासाठी येथे ► क्लिक करा 

पुणेकरांना पायाभूत आरोग्य सुविधा पुरविण्यात सपशेल पुणे महापालिका सपशेल अपयशी ठरली आहे. महापालिकेची बांधून तयार असलेली रुग्णालये अक्षरशः धुळखात पडून आहेत. पुण्यातील कोरोनाची गंभीर परिस्थिती आणि त्याबाबत उपाय सुचविण्यासाठी वस्तीपातळीवर काम करणाऱ्या वेगवेगळ्या 34 संघटना एकत्र आल्या आहेत. त्यांनी "कोरोना विरोधी जन अभियान' उभारले आहेत. त्यातून ही मागणी पुढे आली आहे. 

ताज्या बातम्यांसाठी डाऊनलोड करा ई-सकाळचे ऍप

शिवाजीनगर येथील शासकीय अभियांत्रिकी महाविद्यालयावर आठशे खाटांचे कोविड केअर हॉस्पिटल (जम्बो हॉस्पिटल) उभारण्यात आले. एका खासगी कंपनीकडे "आऊटसोर्स' केलेल्या या प्रकल्पाचा पूर्ण फज्जा उडलेला दिसतो. रुग्णसंख्या वाढत असताना देखील अतिशय ढिसाळ व्यवस्थापनामुळे जास्त खाटा उपलब्ध झाल्या नाहीत. ही वस्तुस्थिती आहे. अशी परिस्थितीत जम्बो कोविड हॉस्पिटल सरकारने ताब्यात घ्यावे, अशी मागणी अभियानातर्फे करण्यात आली आहे. 

देशभरातील  बातम्या वाचण्यासाठी येथे क्लिक करा

सरकारने आठशे खाटांचे जम्बो कोविड हॉस्पिटलची घोषणा केली होती. पण, अचानक तेथे तिनशेच खाटा कशा आल्या याचे पारदर्शक उत्तर सरकारने दिली पाहिजे, असेही अभियानाने विभागीय आयुक्त सौरभ राव यांना दिलेल्या निवेदनात म्हटले आहे. औषधांची उपलब्धता, काळा बाजार आणि अन्यायकारक वाटप होत असल्याचे निदर्शनास येत आहे. त्यातून तातडीने मार्ग काढला पाहिजे, असेही यात नमूद केले आहे.