चास, ता. २१ ः चास (ता. खेड) येथे मुस्लिम बांधवांनी रमजान ईद उत्साहात साजरी केली. यावेळी हिंदू बांधवांनी मुस्लिम बांधवांना गळाभेट घेवून ईदच्या शुभेच्छा दिल्या.
चास येथील ईदगाह मैदानावर परिसरातील सर्व मुस्लिम बांधवांनी एकत्र येत नमाज पठण करत दुआ मागितली. मौलाना इम्रान अन्सारी यांनी नमाज पठण करून मानवजातीच्या कल्याणासाठी प्रार्थना केली. यावेळी उपसरपंच जावेद इनामदार, इब्राहिमभाई इनामदार, बाबूलाल मुंढे, सिकंदर मणियार, इम्रान इनामदार, राजू तांबोळी, इक्बाल तांबोळी, मकबूल इनामदार, शौकत मुंढे आदी उपस्थित होते. पोलिस हवालदार विजय राहतेकर व पोलीस कॉन्स्टेबल स्वप्निल लोहार यांचा यावेळी सत्कार करण्यात आला.