पुणे : शालेय पोषण आहाराच्या धर्तीवर पुणे जिल्ह्यातील अंगणवाड्यांमधील बालकांसाठी त्यांच्या घरीच पूरक पोषण आहाराचे साहित्य दिले जाणार आहे. त्यासाठी राज्य सरकारने जिल्हा परिषदेला गुरुवारी विशेष परवानगी दिली.
पुणे जिल्ह्यातील एक लाख पाच हजार बालकांना येत्या 30 जूनपर्यंतच्या पोषण आहाराचे साहित्य घरीच दिले जाणार आहे. यामध्ये तांदूळ, रवा, साखर, मटकी, तूरडाळ, तेल, तिखट आदी वस्तूंचा समावेश असेल. अंगणवाड्यांमधील तीन ते सहा वर्षे वयोगटातील बालकांना याचा लाभ होणार असल्याचे जिल्हा परिषदेच्या महिला व बालकल्याण विभागाचे उपमुख्य कार्यकारी अधिकारी दत्तात्रेय मुंडे यांनी सांगितले.
लॉकडाउनमुळे गेल्या महिनाभरापासून अंगणवाड्या बंद आहेत. केवळ बालकांना पूरक पोषण आहाराचा पुरवठा करण्यासाठी अल्पकाळ त्या सुरू ठेवण्यात येत. परंतु, कोरोनाचा ग्रामीण भागातही शिरकाव झाल्यानंतर पूरक पोषण आहार वाटप बंद करण्यात आले.
अंगणवाड्यांमधील पोषण आहाराचे साहित्य बालकांच्या घरीच देण्याची परवानगी पुणे जिल्हा परिषदेने राज्य सरकारकडे मागितली होती. त्यास राज्याच्या एकात्मिक बाल विकास सेवा योजनेच्या आयुक्त इंदिरा मालो यांनी गुरुवारी मान्यता दिली.
- जिल्ह्यातील एकूण अंगणवाड्या ः 4200
- मिनी अंगणवाड्या ः 400
- अंगणवाड्यांमधील बालकांची संख्या ः 1 लाख 5 हजार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.