पुणे: मागील काही दिवसांपूर्वीपासून शिवसेनेचे (shivsena) उपनेते रघुनाथ कुचिक (Raghunath Kuchik) यांच्यावर बलात्काराचा आरोप करणाऱ्या पिडीत तरूणीची कहाणी भाजपच्या (BJP) भाजपच्या चित्रा वाघ (Chitra Wagh) यांनी पत्रकारांना याआधी ऐकवली होती. कुचिक यांच्यावर पुण्यातील शिवाजीनगर पोलिस (Police) ठाण्यात बलात्काराचा गुन्हा दाखल करण्यात आला आहे. यावरून आता भाजपच्या चित्रा वाघ यांनी मुख्यमंत्री उद्धव ठाकरे (Uddhav Tackeray) आणि उपमुख्यमंत्री अजित पवार यांना धारेवर धरलं आहे. जर का कुचिकवर कोणतीही कारवाई झाली नाही आणि त्या पिडित मुलीच काही बरं-वाईट झालं तर त्याला जबाबदार राज्य सरकार असेल, असंही त्यांनी ठणकावून सांगितलं आहे. ही पीडिता गेल्या दोन दिवसांपासून बेपत्ता असल्याचा दावा चित्रा वाघ यांनी केला होता. त्याचसंदर्भात आता त्यांनी नवं ट्विट करत माहिती दिली आहे.

चित्रा वाघ यांनी म्हटलंय की, शिवसेना नेता रघुनाथ कुचिक बलात्कार प्रकरणातील मुलगी दोन दिवसांपासून गायब होती. ही गायब मुलगी गोवा राज्यातील मडगावच्या कोलवा गावामध्ये सापडली आहे. काल रात्री तिचा फोन मला आला होता. तिला इंजेक्शन देऊन काही व्यक्तींनी नेलं होतं. या व्यक्तींमध्ये पोलिसही होते. या पीडितेला महाराष्ट्रातून नेल्याची धक्कादायक घटना घडली आहे. तिच्याकडून काही कागदपत्रांवर सह्या देखील घेण्यात आल्याची माहिती तीने स्वत: मला दिली आहे. यासंदर्भात मी पुणे पोलिसांना सविस्तर कळवलंय, असंही त्या म्हणाल्या आहेत.

मागेही याच प्रकरणामध्ये कारवाई व्हावी, म्हणून बोलताना त्या म्हणाल्या होत्या की, पूजा चव्हाण प्रकरणाप्रमाणे या तरुणीचे करु नका. संजय राठोड़नंतर कुचिक प्रकरणात पुणे पोलिसांची भूमिक संशयास्पद आहे. नागपुर विद्यापीठातील एका विद्यार्थीने प्राध्यापकावर लैंगिक शोषणाचा आरोप केला आहे. हे प्रकार गंभीर आहेत.'असेही वाघ यांनी स्पष्ट केलं होतं.