पुणे : मावळ लोकसभा मतदारसंघासाठी भाजप-शिवसेना युतीची बैठक होत असताना शिवसेना खासदार श्रीरंग बारणे आणि भाजप नेते लक्ष्मण जगताप यांच्यातीव वैर जाहीरपणे उघड झाले.

मावळसाठी आज (मंगळवार) पालकमंत्री गिरीश बापट आणि शिवसेना नेत्या नीलम गोऱ्हे यांच्या उपस्थितीत पार पडत असलेल्या बैठकीला भाजप आमदार लक्ष्मण जगताप यांनी पाठ फिरवली आहे. शिवसेनेचे संभाव्य उमेदवार श्रीरंग बारणे यांच्याशी असणारे शीतयुद्ध जगतापांनी यानिमित्ताने उघडपणे दाखवून दिले आहे.

बैठकीच्या आधी दिवंगत आणि गोवा मुख्यमंत्री मनोहर पर्रीकर यांना शहर कार्यालयात श्रद्धांजली वाहण्यात आली. तेथे जगताप उपस्थित होते. मात्र तिथून बैठकीला येण्याऐवजी त्यांनी मोबाईल बंद ठेवून बैठकीला पाठ फिरवली. 

मावळ लोकसभेसाठी शिवसेना पक्षप्रमुख उद्धव ठाकरे यांनी निवडणुकीच्या तयारी लागा असा आदेश दिला आहे, असे संभाव्य शिवसेना उमेदवार श्रीरंग बारणे यांनी म्हटले आहे.