पुणे : शहरात सलग तिसऱ्या दिवशी शनिवारी (ता. ११) वळिवाच्या पावसाच्या दमदार सरी बरसल्या. त्यामुळे गेल्या दशकात मेमध्ये पडलेला हा सर्वाधिक पाऊस ठरला आहे. यापूर्वी २०१५ मध्ये (१४ मे) एका दिवसात १०२ मिलिमीटर पाऊस कोसळला होता. त्यानंतर आता शनिवारी सायंकाळी साडेआठपर्यंत शहरात ४०.४ मिलिमीटर पाऊस पडला.
शहरात यंदा एप्रिलमध्ये गेल्या २४ वर्षांमधील सर्वाधिक कडक उन्हाळा ठरला. त्यानंतर मेमध्ये सुरुवातीचे नऊ दिवस उन्हाचा चटका कायम होता. कमाल तापमानाचा पारा सातत्याने सरासरीपेक्षा जास्त नोंदला जात होता.
शुक्रवारी सकाळी साडेआठ ते शनिवारी सकाळी साडेआठ या २४ तासांमध्ये शिवाजीनगर येथे २८.२ मिलिमीटर पावसाची नोंद झाली. शनिवारी सायंकाळी ४०.४ मिलिमीटर पावसाची नोंद शिवाजीनगर येथील वेधशाळेत झाली. हा गेल्या दशकातील सर्वाधिक पाऊस ठरला.
शनिवारी शिवाजीनगर येथील वेधशाळेत कमाल तापमानाचा पारा ३७.८ अंश सेल्सिअस नोंदला गेला. लोहगाव येथे ३९.२ अंश सेल्सिअस कमाल तापमानाची नोंद झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.