खडकवासला : हवेली तालुक्यात संगणकीकृत सात- बारा संबधी अनेक शेतकऱ्यांच्या समस्या (Farmers Problems) आहेत. म्हणून कोथरूड, खडकवासला सोमवारी २८ जूनला आणि मंगळवारी २९ जून रोजी खेड शिवापूर (Khed Shivapur) येथील मंडल कार्यालयाच्या हद्दीत संगणकीकृत सात- बारा दुरुस्ती शिबिर होणार आहे. विभागीय आयुक्तच्या (Divisional Commissioner) आदेशानुसार व जिल्हाधिकारीच्या मार्गदर्शनाखाली शिबीर होईल. ( Computerized saat bara camp organize at Khed shivapur order divisional Commissioner and collector)

शिबिरात काय होणार

संगणकीकृत सात- बारामधील गुणवत्ता आधारित विविध दुरुस्त्या केल्या जातील. सात-बारा दुरुस्ती, सात-बारा वाचन, नवीन फेरफार नोंदीची कार्यवाही, अहवाल निरंक, प्रलंबित नोंदीची निर्गती, सातबारा प्रमाणित करून वितरण, कलम १५५ व २५७ अन्वये दुरुस्तीचे प्रस्ताव न्यायप्रविष्ट विषय आदी बाबींचा समावेश आहे.

शिबिराच्या माध्यमातून विविध शेतकरी व इतर खातेदार यांना शिबिराचा फायदा होईल. संबंधित खातेदारांनी आवश्यक ती कागदपत्रे घेऊन आपापल्या विभागांतील मंडलाधिकारी ठिकाणी उपस्थित राहावे अशी माहिती हवेलीच्या तहसीलदार तृप्ती कोलते यांनी दिली.

शिबीर पत्ता

खडकवासला मंडल कार्यालय - डोणजे तलाठी कार्यालय- विकास पाटील मंडल अधिकारी, खडकवासला.

कोथरूड मंडल कार्यालय - वारजे कर्वेनगर पालिका क्षेत्रीय कार्यालय मंडल कार्यालय- प्रमोद भांड मंडल अधिकारी, कोथरूड