उंड्री : तोलणारांच्या संपामुळे कृषी उत्पन्न बाजार समितीच्या शेवाळेवाडी येथील मांजरी उपबाजारामध्ये शेतकरी आणि व्यापाऱ्यांमध्ये संभ्रमाचे वातावरण निर्माण झाले होते. मात्र, शेतकरी आणि व्यापाऱ्यांना विश्वास दिला

वजन-माप आणि पावत्या (बिल) करण्यासाठी बाजार समितीचे अधिकारी-कर्मचारी कार्यरत करून व्यापारी आणि शेतकऱ्यांची कोणतीही गैरसोय होऊ दिली नाही, असे मांजरी उपबाजारप्रमुख विजय घुले यांनी सांगितले. याप्रसंगी राहुल शेवाळे, भारती घुले, चेतन घुले, लाला जाधव, रावसाहेब फुलावरे, कुलदीप पवार, शेखर घाडगे, विनोद सातव, ओंकार गायकवाड, शेतकरी-व्यापारी मोठ्या संख्येने उपस्थित होते.

रमेश उंद्रे म्हणाले की, शेतकरी-व्यापाऱ्यांना थेट जोडणारा दुवा म्हणून मांजरी उपबाजार कार्यरत आहे. शेतकरी-व्यापऱ्यांचा विश्वास मिळविलेली एकमेव बाजारपेठ आहे. दिवसेंदिवस या बाजारामध्ये शेतमाल घेऊन येणारे शेतकरी आणि व्यापाऱ्यांची संख्या वाढत आहे. शेतकरी-व्यापाऱ्यांची कोणतीही गैरसोय होणार नाही, यासाठी प्रशासन कार्यरत असल्याचे त्यांनी सांगितले.

जिल्ह्यातून शेतकरी येथे शेतमाल घेऊन येतात, त्यासाठी अनेक शेतकरी रात्री भाजीपाला, फळभाज्यांची तोड करून कॅरेट भरून ठेवतात. दुपारी बारा ते एकच्या दरम्यान मांजरी उपबाजारामध्ये आम्ही शेतमाल घेऊन येतो. नरेंद्र पाटील माथाडी संघटनेच्या संपामुळे संभ्रम निर्माण झाला होता. मात्र, बाजार समितीने योग्य उपाययोजना केल्यामुळे कोणतीही अडचण झाली नाही.

तानाजी काळे, शेतकरी, इंदापूर

मांजरी उपबाजारमध्ये तोलणार-मापाड्यांची जागा बाजार समितीच्या अधिकारी-कर्मचाऱ्यांनी घेतली. दररोजच्या कर्मचाऱ्यांच्या तुलनेत आज संख्याबळ कमी असल्याने काही वेळ लागला. मात्र, कोणाचीही अडचण झाली नाही. शेतमाल खराब होणार नाही याची शेतकरी-व्यापारी आणि बाजार समितीच्या अधिकारी-कर्मचाऱ्यांनी घेतल्याचे पाहायला मिळाले.

सर्जेराव बोराडे, शेतकरी, बारामती

तोलणार संघटना मांजरी उपबाजारचे अध्यक्ष संजय गायकवाड म्हणाले की, माथाडी कामगारांच्या अनेक मागण्या असून, त्याची पूर्तता शासनाकडून होत नाही. त्यामुळे आज (मंगळवार, दि. 1 फेब्रुवारी, 2023) महाराष्ट्र राज्य माथाडी, ट्रान्स्पोर्ट आणि जनरल कामगार युनिनने एक दिवशीय राज्यव्यापी बंद पुकारला आहे.