PNE26W20604
मुंबई : विधान परिषद निवडणूक लढवण्याबाबत काँग्रेसचे प्रदेशाध्यक्ष हर्षवर्धन सपकाळ यांना निवेदन देताना महाराष्ट्र प्रदेश काँग्रेस कमिटीचे प्रदेश प्रवक्ते काकासाहेब कुलकर्णी.
........
विधान परिषद निवडणूक काँग्रेसने लढवावी
काकासाहेब कुलकर्णी यांची प्रदेशाध्यक्षांकडे मागणी
सकाळ वृत्तसेवा
सोलापूर, ता २० : आगामी सोलापूर स्थानिक स्वराज्य संस्था मतदारसंघाच्या विधान परिषद निवडणुकीत काँग्रेस पक्षाने महाविकास आघाडीच्या माध्यमातून अधिकृत उमेदवार देऊन निवडणूक लढवावी, अशी मागणी महाराष्ट्र प्रदेश काँग्रेस कमिटीचे प्रदेश प्रवक्ते काकासाहेब कुलकर्णी यांनी प्रदेशाध्यक्ष हर्षवर्धन सपकाळ यांच्याकडे केली आहे.
मागील विधान परिषद निवडणुकीत ही जागा राष्ट्रवादी काँग्रेस पक्षाकडे होती. मात्र, त्या निवडणुकीत उमेदवाराचा पराभव झाला होता. बदलत्या राजकीय परिस्थितीत नव्या रणनीतीची गरज स्पष्ट झाली असून, स्थानिक पातळीवरील जनाधार आणि संघटनशक्तीच्या आधारे काँग्रेसला संधी देणे योग्य ठरेल, असेही निवेदनात नमूद करण्यात आले आहे.