कुख्यात गुंड आप्पा लोंढेचा वाळू माफिया संतोष जगताप याच्या हत्या प्रकरणातील साक्षीदाराचा खुन करण्याचा कट पोलिसांनी उधळला.

खुनाच्या खटल्यातील साक्षीदाराची हत्या करायला निघालेल्या चौघांना पोलिसांनी पिस्तूल आणि घातक हत्यारासह अटक केला आहे.

या आरोपींची नावं ,आशिष अनिल वरघडे, उद्धव राजाराम मिसाळ, सुरज सतीश जगताप आणि किशोर उर्फ शिवा छबु साळुंखे या कुख्यात गुंडांना पोलिसांनी अटक केली आहे.

उरुळी कांचन परिसरातील कुख्यात गुंड आप्पा लोंढे आणि वाळूमाफिया संतोष जगताप यांच्या खून प्रकरणातील आरोपी सध्या येरवडा कारागृहात आहेत.

या खून प्रकरणातील मुख्य आरोपी पवन मिसाळ हा सुद्धा येरवडा कारागृहात असून या गुन्ह्यांमध्ये साक्षीदार असलेल्या इसमाचा खून करण्याच्या इराद्याने पवन मिसाळ याने या चार ही आरोपींना लाखोंची सुपारी दिली होती.

चारही आरोपी पिस्तूल आणि घातक शस्त्र घेवून फिर्यादीला गोळ्या घालवण्यासाठी जात असताना पोलिसांनी अटक केली.