पारगाव - भाद्रपदी बैलपोळा अवघ्या एक दिवसावर आला आहे परंतु मागील दोन वर्षापासून कोरोनो संसर्गाचे सावट बैलपोळ्यावर आहे. आंबेगाव तालुक्याच्या पुर्वभागातील गावोगावच्या कुंभारवाड्यात बैलपोळ्याला पुजेचा मान असलेल्या मातीचे बैल बनविण्याच्या काम अंतीम टप्प्यात असले तरी आठवडे बाजार बंद असल्याने मातीच्या बैलांच्या मागणीत निम्म्याने घट झाली आहे.

शेतीसाठी बैलांएैवजी ट्रॅक्टरचा वापर वाढल्याने शेतकर्यांच्या घरासमोर दिसणार्या बैलजोड्या दिसेनास्या झाल्या आहेत. बैलपोळा एक महीन्यावर आल्यावर बैलपोळ्याला पुजेसाठी वापरण्यात येणारे मातीचे बैल बनविण्याच्या कामाला गावोगावच्या कुंभारवाड्यामध्ये वेग येत असतो. धामणी येथील गणेश रोकडे हे मातीचे बैल बनवून त्यांना आकर्षक रंगकाम करतात त्यांनी बनवलेल्या बैलांना ग्रामिण भागाबरोबर शहरी भागातुनही मागणी असते.

बैलजोडीच्या किमती आकारानुसार 20 रुपयांपासुन दोन हजार रुपये कीमती पर्यंत असतात श्री. रोकडे यांनी बनविलेले मातीचे आकर्षक बैलांच्या प्रतीकृतींना आसपासच्या गावांतील आठवडे बाजाराबरोबर पुणे, ठाणे व मुंबई शहरात विक्री करता पाठवत असतात भाद्रपदी बैलपोळा अवघ्या एक दिवसावर आला आहे. कोरोनो संसर्गाचे सावट बैलपोळा सणावर आहे बैलपोळ्यांच्या मिरवणुकांवर बंदी आहे त्यातच गावोगावचे आठवडे बाजार बंद आहेत. त्यामुळे या कारगीरांनी बनविलेल्या मातीच्या बैलांच्या मागणीत निम्म्याने घट झाली असल्याचे गणेश रोकडे यांनी सांगीतले.