सासवड (पुणे) : पुरंदर तालुक्यात कोरोनाचे आज आणखी तीन रुग्ण सापडले. त्यामध्ये सासवड शहरातील एक आणि खानवडी व सोनोरी या गावात प्रत्येकी एक रुग्ण आहे. त्यामुळे सासवड शहरातील रुग्ण संख्या आज 32 वर पोचून तालुका 53 वर पोचला. हेज दुपारपर्यंत कोरोनाबाबत विश्रांती घेतल्याचे वाटत असताना दुपारनंतर सासवडच्या सोपाननगर वसाहतीत एक व पुरंदर तालुक्यातील खानवडी आणि सोनोरी गावात प्रत्येकी एक - एक.. असे एकुण तीन कोरोना पाॅझीटिव्ह रुग्ण आढळून आले. त्यामुळे एकाच
सासवड शहरात लाॅकडाउन असतानाही कोरोना पाॅझीटिव्ह रुग्ण सापडण्यात खंड नाही. त्यामुळे आज सकाळी प्रशासनाची तातडीची बैठक होऊन; कंटेन्मेंट झोनमधील लाॅकडाउन कायम ठेवला. तसेच, उर्वरित शहरात लाॅकडाउन व्यापाऱ्यांसह सर्व व्यावसायिकांसाठी शिथिल केला. मात्र, सासवड शहरात आणि लगतच्या गावात मिळून तीन रुग्ण सापडल्याने धोका जैसे थे असल्याचे स्पष्ट आहे. आज तीन रुग्ण पाॅझीटिव्ह सापडल्याचे तहसीलदार रुपाली सरनौबत यांनी सांगितले.
पुरंदर तालुक्यात कोरोनाचा संसर्ग सुरु झाल्यापासून आजपर्यंतच्या 53 पाॅझीटिव्ह रुग्णांच्या निमित्ताने हाय रिस्कमधील तीनशेहून अधिक जणांचे कोविड केअर सेंटरला विलगीकरण केले. तर, लो रिस्कमधील सातशेपर्यंत लोकांचे होम क्वारंटाइन केले. मुंबई कनेक्शनमधील रुग्ण सुरवातीला सापडले. आता पुणे कनेक्शनमधून व रुग्ण संपर्कातील पाॅझीटिव्ह रुग्ण सापडण्याचे सत्र थांबताना दिसत नाही.
सासवड तालुक्याची बाजारपेठ आहे. उद्या मात्र ही बाजारपेठ लाॅकडाउन शिथील होत खुली होत आहे. मात्र, शिस्त न पाळल्यास दुकानदारांवर दंडात्मक कारवाई करण्यासाठी आठ पथके तैनात केली आहेत. धंदा शिस्त पाळूनच करण्याचे अधिकाऱ्यांनी बजावले आहे. काय पद्धतीने ग्राहक व दुकानदार शिस्त पाळतात.. त्यावरच पुढील दिशा राहील, असे सासवड नगरपालिकेचे मुख्याधिकारी विनोद जळक सांगितले.
पुणे व बाहेर गावी नित्यपणे जा - ये करणारांचा डाटा सर्व्हेद्वारे लगेच केला जातोय. त्यांना व्यक्तिगत काही शिस्त पाळण्याबाबत नोटीस दिली जाईल. सासवड व परिसराचा संसर्ग रोखण्यासाठी ही उपाययोजना आणि प्रत्येक नागरीकाची शिस्तही महत्त्वाची आहे. मास्क, सॅनेटायझर, फिजीकल-डिस्टंन्सिंग आदी न पाळल्यास दंडात्मक कारवाई उद्यापासून वाढविणार आहे. मी स्वतःही फिरणार आहे, असे जळक यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.