दौंड (पुणे) : दौंड शहरात कोरोनाचा प्रादुर्भाव रोखण्यासाठी महत्वाची भूमिका बजावणाऱ्यांना कोरोना विषाणूची बाधा होण्याचे सत्र सुरू असून एका रूग्णवाहिका चालकाला बाधा झाली आहे. तालुक्यात एकूण १६ जणांना कोरोना विषाणूची बाधा झाली आहे. बाधितांमध्ये ३ वर्षाच्या चिमुकल्यासह ७० वर्षांचे ज्येष्ठ नागरिक यांचा समावेश आहे. 

सावधान, वापरलेले मास्क रस्त्यावर टाकताय
                 
दौंड शहरात २२ जुलै रोजी उप जिल्हा रूग्णालयातील एका महिला कर्मचार्यास बाधा झाली आहे. २४ जुलै रोजी नगरपालिका हद्दीत आढळलेले बाधित रूग्णांच्या संपर्कातील नागरिकांचे विलगीकरण करण्यासाठी नियुक्त पथकातील नगरपालिका आरोग्य कर्मचारीस बाधा झाली आहे. तर, २५ जुलै रोजी एका ४० वर्षीय रूग्णवाहिका चालकास बाधा झाली आहे. 

पावसाने पाठ फिरविल्याने शेतकरी हवालदिल

दौंड उप जिल्हा रूग्णालयाकडून ४४ जणांचे घशातील स्त्राव तपासणीसाठी (स्वॅब टेस्ट) पुणे येथे पाठविण्यात आले होते. त्यापैकी २५ जुलै रोजी आलेल्या अहवालानुसार शहरातील कुंभार गल्ली, जनता कॅालनी, दौंड- गोपाळवाडी रस्ता, शिवराज नगर, बंगला साइड, जनता विद्यालय परिसर, आदी भागातील एकूण ११ जणांना बाधा झाली आहे. बाधितांमध्ये ९ पुरूष व २ महिलांचा समावेश आहे. बाधितांचे वय ३ ते ७० दरम्यान असल्याची माहिती उप जिल्हा रूग्णालय अधीक्षक डॅा. संग्राम डांगे यांनी दिली. 

पुणे झेडपीच्या सभापतींना कोरोनाची लागण
                
दौंड तालुक्याच्या ग्रामीण भागातील ५७ जणांचे घशातील स्त्राव तपासणीसाठी (स्वॅब टेस्ट) पुणे येथे पाठविण्यात आले होते. त्यापैकी २५ जुलै रोजी आलेल्या अहवालानुसार तालुक्यातील बोरीपार्धी, खुटबाव, ताम्हणावाडी, उंडवडी व कासुर्डी येथील प्रत्येकी एक, असे एकूण ५ जणांना बधा झाली आहे. बाधितांमध्ये ३ पुरूष व २ महिलांचा समावेश आहे. बाधितांचे वय २५ ते ५५ दरम्यान असल्याची माहिती दौंड तालुका आरोग्य अधिकारी डॅा. अशोक रासगे यांनी दिली.