भोर (पुणे) : भोर शहरात बुधवारी (ता. १७) कोरोना पाॅझिटीव्ह आढळलेल्या दोघांच्या संपर्कात (हाय रिस्क) असलेल्या अठरा जणांचे कोरोना अहवाल निगेटिव्ह आले आहेत. त्यामुळे भोरवासीयांना काहीसा दिलासा मिळालेला आहे.
भोर शहरातील एक महिला व एका तरुणास बुधवारी दुपारी कोरोनाची लागण झाल्याचे निष्पन्न झाले होते. प्रशासनाने त्यांच्या संपर्कातील अठरा जणांना संस्था क्वारंटाइन करून त्यांचे स्वॅब तपासणीसाठी पुण्याला पाठवले होते. शुक्रवारी (ता. १९) दुपारी त्यांचा अहवाल निगेटिव्ह आला असल्याचे आपत्ती व्यवस्थापन समितीचे इन्सिडेंट कमांडर तथा प्रांताधिकारी राजेंद्रकुमार जाधव यांनी सांगितले.
दरम्यान, प्रशासनाने शहराच्या सर्व सीमा बंद करून औषधे व वैद्यकीय सेवा वगळता सर्व दुकाने बंद केली आहेत. शहरातील सर्व प्रवेशद्वारांवर पोलिसांनी कडक बंदोबस्त ठेवला आहे. कोरोनाग्रस्तांच्या संपर्कातील सर्वांचे अहवाल निगेटिव्ह आले असले, तरीही नागरिकांनी स्वयंशिस्त पाळून सोशल डिस्टंसिंगचे आणि सॅनिटायझर व मास्कचा वापर करून खबरदारी घ्यावी, असे आवाहन प्रशासनाकडून करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.