राहू (पुणे) : दौंड तालुक्‍यातील दहिटणे कोरोनाबाधित ज्येष्ठ नागरिकाच्या संपर्कात आलेल्या नऊ जणांचा कोरोना चाचणीचा अहवाल निगेटिव्ह आला आहे, अशी माहिती दौंडचे तालुका वैद्यकीय अधिकारी डॉ. अशोक रासगे यांनी दिली. त्यामुळे दौंडमधील नागरिकांना दिलासा मिळाला आहे. 

पूर्वनियोजित विवाह घरातच पार पडला

दौंड तालुक्‍यात 29 एप्रिल रोजी कोरोनाचा पहिला रुग्ण सापडला होता. संबंधित रुग्णाच्या संपर्कात आलेल्या 22 जणांचे क्वारंटाइन करण्यात आले आहे. त्यांच्या घशाचे द्रव औंध येथे तपासणीसाठी पाठवण्यात आले होते. त्यातील नऊ जणांचा वैद्यकीय अहवाल निगेटिव्ह आला असून, उर्वरित 13 जणांचे अहवाल अजून प्राप्त व्हायचे आहेत. 

पुण्याच्या इतर बातम्या वाचण्यासाठी येथे क्लिक करा   

खबरदारीचा उपाय म्हणून दहिटणे परिसरातील गावे सील करण्यात आली आहेत. तालुक्‍यातील अनेक ठिकाणी नाके बनवून येणाऱ्या- जाणाऱ्या वाहनांची तपासणी केली जात आहे. दहिटणे व परिसरातील गावातील घराघरांत जाऊन नागरिकांची माहिती गोळा करण्याचे काम युद्धपातळीवर सुरू आहे. संबंधित रुग्णाच्या संपर्कात आणखी कोणी आले आहे का? याचा देखील शोध घेण्याचे काम आरोग्य विभागाच्या वतीने गती देण्यात आली आहे. 

एकंदरीत नऊ जणांचा वैद्यकीय अहवाल निगेटिव्ह आल्याने दौंडकरांना दिलासा मिळाला असला, तरी उर्वरित 13 जणांचे वैद्यकीय अहवाल येणे बाकी आहे. प्रशासनाने दिलेल्या सूचनांचे पालन काटेकोरपणे करावे, असे आवाहन करण्यात आले आहे.